梁烈唯開點心店，早前林子善亦再開新店、成為三舖老闆，今日輪到曹永廉喇，佢同哥哥及友人各投資7位數字，喺順利紀律部隊宿舍附近開茶餐廳，今日剪綵儀式上，請來黎耀祥、洪天明同黃智賢到場支持，佘詩曼等好友亦有送上花籃祝賀。

阿廉表示三十多年前已想開冰室：「我十幾歲嗰陣已經想開，不過一直冇諗過去實現，咁啱我阿哥同佢partner開餐廳，有啲經驗，所以都同佢哋夾份開。」

他又表示開冰室除了實現心願外，亦讓自己多個選擇：「畀多條路自己行，因為仔女都仲返緊學，搵食艱難，而且開間餐廳又可以畀朋友多個聚腳點。（投資咗幾多？）每人7位數字。」他透露將會在同一地方多開一間食肆：「因為投咗兩間鋪，不過仲未諗做咩形式。（諗住開連鎖式食店？）唔敢咁大想頭，雖然做生意，仍會專注演藝事業，（少時間陪家人？）盡量就，得閒就會接小朋友放學。」

另外，黎耀祥大受師奶歡迎，佢同陳豪主演嘅台慶劇《法外風雲》（前名《傳愛事務所》）將會播出，陳茵媺就嚟返香港，陳豪未必兼顧劇集宣傳，祥仔話：「最好呢個時候返，叫陳茵媺一齊宣傳，有太太幫，仲有BB可以旺收視。」

廉記今日做老闆喇，恭喜恭喜!鴻圖大展!

緊張時刻到喇…

開！

Yeah !開心之餘，企穩呀!

祥仔變成人肉佈景板

好受歡迎

開張大吉，搵多啲！