傳兩年內結婚 林峯七次嗌：「好愛千語BB」

歌手林峯到將軍澳電視城錄影《勁歌金曲》，講到他的女友吳千語要求他日求婚要有驚喜，林峯說：「當然啦，但冇結婚計劃。」

千語BB給男友100分，林峯亦表示給女友吳千語滿分，更煞有介事最後一次講「愛的宣言」，他說：「工作以外嘅事一向想低調，想有私人空間，但公開之後大家真係太過關心我哋，同我哋想要嘅唔同，唔想每次出嚟都要分享或者去回應傳聞，希望最後一次講，我好愛、好愛、好愛、好愛、好愛、好愛、好愛BB，亦都好愛BB的屋企人，但想係在心中，唔係掛喺口邊，呢次係最後一次講。」林峯總共講了七次好愛吳千語BB，果然愛得黐纒。

講到舊愛潘霜霜忽然喺微博表示要閃婚，林峯一聽到潘霜霜嘅名字即時封嘴表示不答。

視頻

千語BB七次多謝回應林峯愛意

吳千語出席洪卓立的新碟發布會，講到男友林峯當眾大喊七次「我愛千語BB」，千語亦冧爆回應：「咁我講七次多謝。」問到兩人是否常說甜言蜜語？千語說：「唔會喎，我唔係好識講呢啲嘢，講真我第一次聽佢講，咁長嘅句說話，唔係成日都係咁樣嘅。」

子珊上《勁歌》分享歌唱心得

無綫姐仔徐子珊噚晚到電視城為《勁歌金曲》錄影，乜佢有新歌咩?

原來今次佢只係因為鄭丹瑞邀請佢做嘉賓，想佢講歌手同藝員點兼顧啫，佢表示自己最近冇乜唱歌，所以唔算係歌手，佢就話：「自己有機會都想唱，想多方面發展，自己不時有登台，都有keep住唱歌。」

深宵《勁歌》收視得3點 鄭丹瑞：「好鍾意呢個時段」

鄭丹瑞(阿旦)噚晚喺電視城主持《勁歌金曲》，對於轉咗深夜時段播放嘅《勁歌》收視僅得3點，阿旦就話：「當新節目做，收視冇壓力，對我嚟講我好鍾意呢個時段，可以講開放啲嘅話題，要畀多啲時間觀眾習慣，TVB亦都冇要求我有30點收視，只係想做新節目畀人睇，用咗心機做，儲返多啲觀眾，做得好自得其樂，亦都好樂意做，有信心會愈做愈好，節目亦都令到觀眾認識樂壇新人，唔係咁深宵時段就更理想。」

不過話晒阿旦都係《勁歌金曲》嘅元老主持，唔知佢可唔可以令個節目起死回生，重返當年咁輝煌呢？