最新報道：林峯公開承認同吳千語拍拖

林峯同千語BB新年見家長　隨時閃婚

林峯同吳千語打得火熱，有報道指林峯失落視帝後，更加覺得愛情同親情先最可靠，萌生退出娛圈接老竇棒搞生意嘅念頭。

有報道話本來林峯坐定粒六攞視帝，仲講定畀吳千語知一定會多謝BB(即係佢)，點知臨門一腳撻Q，喺女友面前失晒威。

報道話雖然林峯阿爸唔多鐘意千語，覺得佢咁細個就周圍蒲癡住班富二代，不過個仔咁大個都唔理得咁多。舊年中千語要求林峯帶佢返廈門見家長，林峯又放風話想接管阿爸生意，其實都係想氹老豆接受BB啫。今個農曆年林峯打算帶千語返廈門見家長，千語又覺得嫁入豪門好過喺娛圈載浮載沉，話佢兩個有閃婚可能。

林峯否認閃婚

林峯今天到電台接受訪問，對於被報道指跟緋聞女友吳千語閃婚，林峯直言看到封面新聞後覺得好笑和創作力驚人，也希望傳媒朋友不要這樣，還指有時被編無傷大雅的新聞，但是若太離譜，甚至牽涉到家人的話，覺得這是他當藝人的底線，這是不允許的事情。

林峯還指新聞牽涉到吳千語感不好意思，並謂「BB」不是指吳千語，是指家中妹的嬰兒，至於被追問將來跟吳千語一起會否公佈時，林峯指認真的希望媒體不要再創作，自己也覺得無奈。談到有傳TVB高層樂易玲為閃婚緋聞嬲怒時，林峯指覺得很好笑，皆因昨晚才與對方通電話談工作，林峯還透露西方情人節或在工作度過。

【圖輯】「情場老手」怕醜？ 林峯掩面甜笑講千語
2013年02月04日 (06:29 pm)

冇錯，又係「峯語戀」﹗林峯同佢個吳千語BB呢排嘅緋聞，真係鑊鑊新鮮鑊鑊甘，傳極都仲有，今日仲升級到傳佢哋已經喺林峯老家廈門閃婚。

今日林峯到商台宣傳新碟時，被追問閃婚一事，佢突然怕醜仔上身，仲面紅紅咁講：「越講越離譜，大家唔好見（鄭）伊健同蒙嘉慧咁就拉埋我啦。」

但提起千語BB，峯峯即甜笑：「對住你哋梗係笑，唔通喊咩？新年流流費事黑面。」(註﹕日前演唱會，峯峯被問到同BB關係時，佢話﹕「我劏死你，答你死唔答又死，你哋放過我啦。」)

有傳林父唔係咁鍾意千語BB，林峯就力撐護花：「平時點寫都覺得好笑，但牽涉到家人就唔好笑，冇樣係真。」

咁即係爸爸好鍾意「未來新抱」千語BB？林峯竟然怕醜到掩面，之後又笑到四萬咁口講：「冇你哋咁好氣。」耶．．．咁係咪先？

咁錫到佢燶嘅樂易玲又係咪知情呀？林峯就話：「如果真係拍拖，佢會知。」但係，傳聞係講樂小姐唔鍾意峯峯同BB拍拖喎﹗樂小姐幾時回應吓？

林峯被問到同千語BB傳閃婚一事，即掩嘴狂笑。(蘋果日報)

耶，笑人嘅，人哋怕醜呀﹗（設計對白）

對住你哋梗係笑，唔通喊咩？

求你哋唔好再問啦﹗（設計對白）

哎呀，冇你哋咁好氣呀﹗我冇眼睇呀﹗（設計對白）

強裝鎮定，但塊面紅到呢．．．．．

吳千語BB早前喺微博澄清同俾林峯照顧，滿腔委屈，峯峯快啲呵番人啦。(資料圖片)