林峯個唱賣chok
否認少時愛媾女
2011年07月30日 (04:32 pm)

林峯第3個個人紅館演唱會昨晚正式開鑼，經常被指chok樣的林峯似乎已經對chok字非常受落，演唱會的帽、毛巾等全都印上chok字。

而近期被已去世的戴思聰爆出小時候已追女仔，他受訪時稱對該女學生沒印象，還說：「佢係我嘅啟蒙老師，人已過身，我唔想講呢個做話題。冇可能，冇發生過，語言上我絕對冇咁嘅事，10幾歲我係點嘅人，身邊人會知。我18歲先拍拖，細個我係極度怕醜嘅人。」

林峯紅館唱會chock足全晚
2011-07-30 (17:16)

林峯昨晚開始紅館一連三場演唱會，除了大唱大跳外，他亦借一曲《我很痛》，眼濕濕地訴說自己面對了最大壓力的一年。此外，有「chok峯」之稱的林峯自言無chok幾個月，並大冧觀眾說︰「chok並唔係靠個樣，係靠自信心，有你們(觀眾)支持才有這信心，希望全場一齊chok起紅館！」其後他更上背部印有chok字的tee，chock足全晚。

直言唔怕霜霜踩場
林峯：入得場都係我 care嘅人

林峯謂不怕霜霜踩場，他更拿着「小箱」送手錶給歌迷，提到風風雨雨，他眼泛淚光（小圖）。

林峯第三個紅館個唱，前晚正式開鑼，在沒有潘霜霜在場，只得道具貨櫃箱、十多位舞蹈員、緋聞女友陳嘉桓和愛錫他的經理人樂易玲陪同下， chok爆紅館三小時。嘉賓草蜢和許志安亦以「 chok」字來取笑他。他更不忘情深剖白近日被戴思聰指他追女同學的傳聞，又指曾對潘霜霜踩場有過疑惑，隨即又說「入得場都係我 care嘅人」。

換上六套衫的林峯，雖然常被取笑做 chok峯，但他對 chok字十分受落。他在台上亦說：「我冇 chok幾個月，其實 chok唔只表面同個樣，要靠自信心。」當晚跟表演嘉賓草蜢合唱《永遠愛著你》後，蔡一智說：「後台我聽到有人話佢跳舞跳到個台搖晒，我話唔係，係林峯跳到個台 chok晒。」安仔就同林峯合唱《男人最痛》，安仔搞笑改歌詞「男人最 chok，林峯最 chok是這種」、「林峯是仍捨不得你，林峯讓情無疾而終」，林峯忍笑繼續唱歌。

潘霜霜　資料圖片

安仔跟林峯合唱時將歌詞改「男人最 chok」，兩個都忍唔住笑。

眼濕濕剖白心聲

林峯更回應近日被戴思聰在回憶錄寫及他學唱歌時已想追女仔一事，他唱畢《我很痛》後，以 6分鐘眼濕濕剖白心聲說：「呢三個字概括咗我嘅心情，最近有好多唔開心事發生，有時我唔知應該點回應。幾日前我喺呢個台，搵唔到第一、二次嘅感覺，欠缺咗一樣嘢。」此時歌迷大叫他欠缺女友，他則說：「我終於知係欠缺你哋嘅掌聲，你哋令我企番起身。」歌迷睇得癡醉，瘋狂到扯他的褲，更差點用手拍到「小峯」。
事後他在後台接受訪問，問到會否擔心潘霜霜來現場，他說：「老實講冇話驚，但都有疑惑過。一開場我都講過，入得場都係我 care嘅人，希望佢哋帶住開心心情嚟睇。」而緋聞女友陳嘉桓坐在第一行欣賞林峯全晚演出，可惜他稱並未看到。

歌迷瘋狂地想跟偶像握手，有 fans險拍到「小峯」。

被指是 chok峯並非浪得虛名，跳舞都要 chok㷫紅館。

否認戴思聰所指

林峯表示草蜢是跳舞界前輩，希望將來有機會再一起跳舞。

另外，被問到戴思聰指他 10幾歲已想追同學，林峯稱對該女學生沒印象，還說：「佢係我啟蒙老師，人已過身，我唔想講呢個做話題。冇可能，冇發生過。我 18歲先拍拖。」至於對方稱林峯曾承諾將來踏足紅館定請老師到場欣賞，但只得空講，林峯稱：「點會冇呀？但嗰陣我唔係話喺紅館開演唱會，類似係講如果做歌手搵到錢，會請老師食飯，唔係講到咁大嘅，就算第一年做騷，都唔敢講我有機會踏足呢個舞台，咁細個時點會咁講呢！」