林峯轉性 楊怡駁腳頂林峯 馬國明早起鳥有蟲食

忽然一周 774期

媽咪姐手帳

林峯轉性

2010年05月28日

有人話江山易改品性難移,總有人有例外嘅。好似林峯咁,近年深得無綫愛錫,唔單止當正佢親生仔,啲乜獎物獎又預埋佢一份,得寵程度係小生中之冠。

公司咁愛錫,自己又點會自毀前途。媽咪姐周一( 24日)撞到佢同班 friend去老蘭,雖然一大班人高興熱鬧,但林峯好克制,全程冇乜飲酒。到散 band之時,佢仲聽政府講飲酒勿駕駛,乖乖截的士返屋企。比起以前飲到啤啤夫,依家嘅林峯真係大個仔嘞。

林峯
始終都係公眾人物,為免招人話柄,林峯當晚提早離開,費事俾人話佢爛蒲。

林峯同三五知己去咗間餐廳敍舊,席間都只係飲咗少少酒,相當克制。
林峯同三五知己去咗間餐廳敍舊,席間都只係飲咗少少酒,相當克制。

雖然冇乜飲酒,但林峯選擇搭的士返屋企,安全至上嘛。
雖然冇乜飲酒,但林峯選擇搭的士返屋企,安全至上嘛。

林峯(左)以前爛玩又爛蒲,喺 04年試過蒲通頂飲醉咗企唔穩,勞動朋友扶返屋企。
林峯(左)以前爛玩又爛蒲,喺 04年試過蒲通頂飲醉咗企唔穩,勞動朋友扶返屋企。

路上零意外,林峯人人愛。
路上零意外,林峯人人愛。

林峯、楊怡

媽咪姐手帳

楊怡駁腳頂林峯

2010年05月28日

當日楊怡着住對五吋高嘅斗零踭高踭鞋出席,佢對斗零踭仲要係識轉彎嘅,睇見都牙煙,真係擔心佢隨時會跌低。

「嘩!唔高啲點頂得住林峯呢個高人呀,依家咁拍埋去至話啱啱好咋!」楊怡喺 TVB一眾花旦當中,老實講唔算太矮,但係拍埋身高超過 180cm嘅林峯度,惟有靠駁腳啦!
「點止佢呀!仲有馬國明呢,我雖然同佢嘅對手戲冇林峯咁多,但都唔可以矮成一大截 o架!」
媽咪姐聽啲幕後講,楊怡拍《談情說案》嗰陣,每逢有同林峯、馬國明嘅對手戲,一定着住對四、五吋高踭鞋,但換着冇咗佢兩個呢,就着番平底鞋,費事自己攞嚟辛苦咁話。

楊怡着咗呢對 5吋轉彎踭嘅高踭鞋,仍然矮林峯半個頭。
楊怡着咗呢對 5吋轉彎踭嘅高踭鞋,仍然矮林峯半個頭。

拍埋馬明度,佢亦同樣矮半個頭,難怪要駁腳嘅。
拍埋馬明度,佢亦同樣矮半個頭,難怪要駁腳嘅。

馬國明早

早到半粒鐘嘅馬明,同 fans簽名玩自拍,親民到不得了,抵佢走勢愈嚟愈掂。

媽咪姐手帳

馬國明早起鳥有蟲食

2010年05月28日

周日( 23日),《談情說案》成班演員喺奧海城搞宣傳活動。活動喺 1點開始,媽咪姐見得閒,早咗半粒鐘到。點知有個藝員比媽咪姐仲早到,佢就係馬國明(馬明)。

當時未夠 12點半,馬明已經喺度同 fans影相簽名,有位男 fans同媽咪姐講:「佢真係好好人呀,竟然早到半粒鐘嚟同我哋傾偈影相!」媽咪姐問馬明係咪刻意早啲嚟冧 fans?佢帶點靦覥咁話:「我冇特別早到, 1點活動開始,早半個鐘到差唔多啦!」
嗱,西方諺語有云:早起嘅鳥有蟲食,抵馬明愈嚟愈紅嘅!


馬明做咗黃大仙,連 fans叫佢擺呢個老套甫士佢都冇 say no。
馬明做咗黃大仙,連 fans叫佢擺呢個老套甫士佢都冇 say no。