有話兒:林峯憶霜霜愛不疚

過去半年,林峯萬箭穿心。承蒙舊愛潘霜霜關照。
潘霜霜斬件流出親熱照,自從第一輯床照曝光後,每星期的周刊出版前夕,林峯都如等死般聽着計時炸彈倒數的滴嗒聲,恐懼、茫然、驚惶、醜惡……百感交集。除了開工拍劇,他自閉、失眠、嚎哭、醉酒。「諗番轉頭,其實我都唔知自己當時點過。」今天的林峯笑說。
死去,活來。家人和公司的支持,令林峯跨過放棄界線。浴火重生, chok入紅館好不精采,但私下卻得了個影相恐懼症、妄想被害症。鏗鏘有聲的潘霜霜三個字,對林峯是不是一場噩夢?「唔會,係一段回憶。」他無悔,愛不疚。

少爺仔林峯家境富裕,近年他順風順水,擢升 TVB首席小生,劇接劇、紅館騷三連霸、連續兩年冧莊做亞太區最受歡迎香港男歌星,他的際遇,令很多男藝員恨到流口水。但人算不如天算,林峯被爆乳舊愛潘霜霜一鋪打殘,床照流出還要被女人數臭。面子尊嚴都丟了。

林峯聲言沒有後悔愛過潘霜霜,兩人的相愛片段,他會長存腦海。br/攝影:葉君海br/化妝: Raymond Yipbr/髮型: D.Y.of HAIR CORNERbr/場地: Balalaika Russian Bar& Restaurant

林峯聲言沒有後悔愛過潘霜霜,兩人的相愛片段,他會長存腦海。
攝影:葉君海
化妝: Raymond Yip
髮型: D.Y.of HAIR CORNER
場地: Balalaika Russian Bar& Restaurant

林峯近月是非纏身,但全宇宙最靚仔並非浪得虛名,依然粉絲多。

林峯近月是非纏身,但全宇宙最靚仔並非浪得虛名,依然粉絲多。

潘霜霜流出床照後,即不停被網民轉發及惡搞。 資料圖片

潘霜霜流出床照後,即不停被網民轉發及惡搞。 資料圖片

不停喊不停飲酒

潘霜霜是林峯入行 12年來首個承認的女友,當然他唔認唔得,因為承認之日已流出兩人床照,但潘霜霜風暴確實讓他始料不及,當時他正拍攝新劇《回到三國》,卻日日為床照事件喊到變豬頭炳,做眼腫諸葛亮。
如今憶述床照事件,林峯也久不久嘆氣,他說:「係一個人生過程,人生係需要經歷,一定有甜酸苦辣。嗰段日子的確非常難過,我除咗搵經理人傾吐外,都唔知做得乜。我匿埋,都幾自閉,但每日要開工,面對傳媒同公司同事,自己一定諗多,人哋用乜嘢眼光睇你?自己擔心好多嘢,又要兼顧工作;但諗深一層,其實我好慶幸開緊劇,咁先令我更積極面對,因為當時壓力真係好大,冇人同我分擔到,淨係喊,不停喊,飲酒,瞓唔着,日日同經理人傾通宵,但我又唔知跟住發生乜嘢事,每一日擔驚受怕,仲有乜嘢 surprise畀你?我好茫然,又要 keep住手頭工作質素,唔可以令身邊人擔心。諗番轉頭,其實我都唔知自己當時點過。」
當時是恐懼抑或覺得醜?林峯說:「任何嘢都有。」怕 fans離棄?「所有情緒堆積埋一齊,心情太複雜。」死去活來吧?他苦笑,「唔知點形容,搵唔到字眼。」跌到谷底,有沒有想過放棄娛樂圈?其實他有,「人生去到咁樣,係有諗過完全放棄,因為恐懼。我一直唔想身邊戰友同錫我嘅人,對我期望變失望,所以我每次盡足全力做嘢,但突然有咁嘅事發生,我點樣面對佢哋?好 guilty(內疚)。」

林峯將 chok發揚光大,而且 chok到全港皆知。

林峯將 chok發揚光大,而且 chok到全港皆知。

林峯在夜店拖劉俐傳緋聞,他也承認做錯了。 資料圖片

林峯在夜店拖劉俐傳緋聞,他也承認做錯了。 資料圖片

從未嬲過潘霜霜

戴思聰回憶錄中爆少年林峯媾女,但林峯矢口否認。

戴思聰回憶錄中爆少年林峯媾女,但林峯矢口否認。

死完之後,又如何活過來?林峯有點眼紅紅地說:「係屋企人畀到我由心底嘅支持,細佬妹 send晒 message,『無論點樣,我一定支持。』你知唔知呢一句對我幾重要。我好慶幸有班好愛錫我嘅 fans、同事,佢哋對我工作上同埋個人嘅信任,包括樂小姐(無綫高層樂易玲),我係需要呢份支持。」
林峯從天堂遊走地獄,潘霜霜對他而言算不算一個噩夢?他否定:「唔係,係人生一段回憶,因為兩個人一齊都有開心。我冇後悔,以後都唔會後悔。」早前潘霜霜再數林峯不是,往後她隨時咬住林峯唔放,直到永遠,林峯卻說他沒有嬲過潘霜霜:「唔嬲,唔諗㗎啦,反而希望佢好。」
一朝被蛇咬,但林峯總要戀愛,他失笑:「我真係驚,堅係驚。」他日拍拖會否拒影合照?「我家出去外面,唔好話同人影相,我連鏡頭都驚,只要任何雌性埋嚟,我戒備心都好重。」有鏡頭恐懼症咩?「唔係,係我同成個 team都有妄想被害症。任何可疑、感覺唔自然嘅嘢,我哋都會好介意。」話說林峯好靚仔……「堅係唔覺。」未講完,咁靚仔嘅林峯經常往返內地,國產美女又進取,主動投懷送抱大把,他如何自處?「避囉。」但索女多的是,「咁點呀?」正常男人噃,「我工作唔正常就唔可以做一個正常人㗎啦。」那如何抗拒誘惑?「黐埋男仔多啲。」

拖藍莓全因雷氣

驚都要拍拖,難道一世做寡佬?林峯笑說:「我家過得幾開心呀,我幾易滿足。感情生活空白,我喺工作上絕對滿足到。玩玩具、打機、睇卡通片,一樣填滿到我。」你夜蒲 Volar又拖藍莓劉俐?「 Clubbing唔係太大問題,當時我哋講緊嘢咋。」但拖手就錯,家有白事轉頭去蒲也錯,林峯也承認:「係,諗番轉頭唔應該。嗰晚我真係開完會,冇辦法唔落去,成班好兄弟一齊做音樂,佢哋叫我過去嘅時候係兩三點,都已經飲咗唔少,我話過嚟打招呼,一嚟就成排人企喺我車面前,我點唔落去?我唔落去真係好唔夠雷。」見好兄弟,關拖住藍莓乜事?「好多人喺度㗎。」媾女啩?他依然那句:「梗係唔係啦,同佢冇可能,唔熟㗎。」

Chok到發熱發亮

Chok,是一個香港潮語,常用於偶像、 o靚模出鏡時擺出懶可愛動作或懶型動作,此潮語始於前年,古巨基是早期被網民形容為 chok的藝人之一,別名 chok祖。後來由林峯將 chok無限放大,被封 chok王;加上 chok鋒謝霆鋒及 chok神謝天華,合稱娛樂圈四大 chok王。
問林峯點睇其餘三大 chok王,他笑說:「各有各 chok啦。」天華在《潛行狙擊》 chok到行,林峯雖沒收看,但他覺得沒所謂:「娛樂行業嘅目的就係娛樂大家,唔係娛樂自己,我哋好用心做嘢㗎,大家開心,得到自己想要嘅情緒就夠。」黃宗澤封天華 chok神,林峯笑道:「佢(天華)好耐啦。」

自稱怕醜仔

Chok爆的林峯早前第三度在紅館舉行個唱。 資料圖片

Chok爆的林峯早前第三度在紅館舉行個唱。 資料圖片

早期林峯被指 chok樣,他表示沒有因而不悅:「我由頭到尾從未試過一絲半點唔開心,由第一日講都冇,因為嗰時我都未知 chok係乜,到知道後又覺得幾得意,我一啲都冇 hard feeling。」他更將 chok發揚光大,索性推出《 chok》一曲,他說:「呢隻歌係由 chok呢個字出現冇幾耐,我哋已經諗緊,我哋希望將 trend玩得叻玩得靚,好好彩大家都接受到。」
由 chok、潘霜霜風暴、拖藍莓夜蒲到在戴思聰回憶錄中被爆年少媾女,林峯人紅是非多,他卻說:「唔係,唔知係咪我易入,唔知點解唔關事嘅嘢都變咗關我事。」於戴思聰書中被提到女同學鍾安妮,林峯只說:「我都唔知邊個,聽都未聽過,我嗰時係怕醜仔,讀男校㗎。我好錫佢哋(戴思聰一家),但呢件事令我個心幾唔舒服。」