何傲兒、張嘉兒、鄭嘉穎、黃浩然和朱凱婷昨晚出席港姐綵排活動，鄭嘉穎被問到侯選港姐多是非，他說：「屆屆都係咁，住公屋又講，以前拍拖又講，人人都有過去，有乜咁出奇，選港姐愈來愈大壓力。不過如果可以面對到呢樣嘢，將來好多嘢都可以面對。」問到有否聯絡師母戴思聰太太？嘉穎說：「發聲明後冇聯絡，覺得唔出席係最佳決定，唔想為對方添麻煩，唔係淨係依家，幾時去拜都有心。」

張嘉兒（左起）、朱凱婷和何傲兒出席港姐綵排活動。

而黃浩然坦言首次擔任港姐表演嘉賓，攞正牌(目及)女，至於有指其太太身家豐厚，他表示不會靠老婆：「如果我係靠佢，就唔會捱到金睛火眼，兩日冇瞓啦！大家經濟獨立。（有冇畀家用？）梗係有啦！你估我真係咬老軟做姑爺仔咩？」

鄭嘉穎（右）與黃浩然昨日排舞，看來頗有默契。