王維基率領旗下藝人力撐艾威首部著作《情聖睹神之終極一注》新書發佈會，以表上下一心。

日前有報導指申請電視牌照嘅有線同Now贊成2015年發牌，王維基用咗一個學生考試去比喻今次嘅情況，佢話：「三個考生，突然有話肚痛唔舒服，另一個就話未溫哂書，咁剩低嗰個就好勤力準備好哂，理應係考九科A，唔開係非常唔公平，政府好清楚咁唔合理。」

王維基堅持要做好自己嘅節目同製作，而且佢唔擔心幾時發牌，更未曾為發牌一事著「急」，佢話：「牌遲早都有，我唔擔心，我擔心開台之後，夠唔夠節目，可唔可以維持收視水平。」佢重申香港電視係零負債，三十億資金，只用咗十分一，約二、三億。

艾威表示新書用一個愛情故事包裝，揭露佢自創一條百家樂投注方程式，新書初版印製二千本。

艾威出書，竟然係講自創一條百家樂投注方程式。

林文龍同姜大偉

俾女圍。

姜麗文作狀錫阿叔姜大偉。

王維基聲稱依家只用了30億資金的十分之一。

呢種場面，香港電視已經出現好多次…

艾威出小說教百家樂方程式

艾威出書？講賭錢？百家樂方程式？噢no噢no，唔輸唔輸，係小說《情聖睹神之終極一注》，仲附送艾威哥精心撰寫嘅《賭神秘笈》，唔輸唔輸!

係呀，艾威，係真係嗰個艾威呀，前無綫綠葉，依家去咗王維基嘅香港電視，另有更廣闊新天地，仲出埋賭神秘笈添，今日仲喺西九龍中心舉行新「贏」發佈會，老闆王維基、姜大偉、林文龍等都來撐場，表上下一心。

艾威喺台上話:「有一日我忽然之間研究得出一條方程式，應用於百家樂之上，雖然講出嚟，大家都質疑我係咪講大話，但我真係一個唔鍾意賭博嘅人。我忽然有一個神來之筆，發現咗呢條方程式，我覺得，如果我擺喺度唔用，就好浪費。呢條方程式，我已經有咗成十幾年喇。」嘩，講到好似神仙幫你開咗天眼咁，真係信不信由你喇。

問王維基可想將之拍成劇集？佢就話﹕「作為一個電視台，我哋都有社會責任，除咗娛樂之外呢，我哋都唔可以鼓吹賭博。所以呢個係一個好好劇本，但結局應該係賭錢都係冇乜好結果0架喇。」

今次可以話係艾威處男第一次搞商場騷，簽名嗰陣可能唔慣手勢，又或者支筆冇墨，竟然寫唔到，又好緊張影佢同王維基合照時，睇唔睇到有佢個樣同本「贏」名嘅backdrop，仲以一身黑色型人打打扮唱勁歌《黑色狂迷》，直頭好似小登科咁。

艾威受訪時，難掩興奮之情話﹕「今日係第一次喺商場做騷，第一次唱咁rock嘅歌，咁多台前幕後嘅好朋友嚟撐場。暫時第一版係…其實印嘅數量就唔太多，2,000本先嘅啫，咁就當然希望銷量好嘅時候可以加印。」老闆王維基可有支持？艾威即謂﹕「佢今日嚟撐場已經非常支持0架喇﹗因為啲書未印好，原本今日係一個發佈會，依家未印好書，正式發佈會等遲少少。」

艾威仲話，已經搵咗陳百祥、羅永昌導演、編劇關皓月、填詞人梁柏堅幫手寫序，隨小說外，仲有一本副冊，就係頭先講嘅《賭神秘笈》，「B哥哥鍾鎮濤已幫我題字，佢手字好靚，我哋計劃將手稿作慈善用途。」講完開心事，講少少掃興嘢，對於now同有線都撐2015年先至發牌，艾威話﹕「我唔係好明當中意思，係咪遲啲發牌對佢哋有利啲？」問到可影響公司上下嘅士氣？艾威即說﹕「嘩﹗我哋士氣，你睇我哋今日，上下一心﹗」