雙雄頂硬上趕《法證先鋒3》祥仔卓羲捱冷鬥Chok笑爆嘴

《法證先鋒3》

換女角影響進度 雙雄頂硬上趕戲 祥仔卓羲捱冷鬥Chok笑爆嘴

無綫新劇《法證先鋒3》女主角佘詩曼受傷辭演,頂替的張可頤仍未正式加入劇組,為免阻礙拍攝進度,黎耀祥與吳卓羲兩位男主角連日來不停孭重飛趕戲,深宵在嚴寒氣溫下開工,可謂「雪上加霜」。吳卓羲可能受好友林峯的「Chok」樣大受歡迎刺激,他今回亦以「華弟」上身扮型仔。相反,一向走搞笑路綫的黎耀祥則扮Cool做偵緝隊長,兩大「型男」互相對望時卻忍不住相視而笑,場面搞笑!

無綫新劇《法證先鋒3》開鏡後進度不太順利,女主角佘詩曼原定日前要向劇組報到,誰知因手部受傷而被逼辭演,監製梅小青臨陣找來張可頤頂替阿佘。始終因為臨時換角的關係,拍攝進度確實受阻,張可頤日內才會試造型,最快周四(二十七日)才可以開工。女主角仍未正式埋位,兩位男主角黎耀祥和吳卓羲連日不停搶拍部分重頭戲,在嚴寒天氣下日夜趕拍。

卓羲好瘀 出閘脫腳

日前凌晨時分,《法證先鋒3》在數碼港趕戲,現場有四五個臨記扮記者和巿民,飾演法證人員的吳卓羲竟然以Chok樣版的「華弟」上身,一身《天若有情》的電單車型男打扮示人,十分有型有款。不過,吳全程只是有姿勢無實際,因為劇情所需,吳卓羲只需駕電單車駛到四個車位的距離,而且只需直綫行駛,可惜咫尺之遙卻在一開車不久就死火,可能因為他駕駛的那架電單車馬力太大,難以控制才會「出閘脫腳」。

現場所見,吳卓羲認真地拍攝完這場駕車戲後,下車時繼續以Chok樣示人,一手除下頭盔,作其瀟灑有型的甫士,以拍攝近距離的特寫鏡頭,盡顯鐵騎型男本色。不過,當導演一關機,戲外的他卻連自己也忍不住偷笑,祥仔在旁亦被他引得笑不攏嘴。

祥仔拍完 個個偷笑

其後輪到飾演偵緝隊長的黎耀祥上陣,拍他一馬當先拉大隊到犯罪現場查案,導演更要求他扮Cool扮有型,又要他們演得自然一點。眾人演出時都一絲不苟,但一拍完個個都偷笑,皆因祥仔演不慣這類咁型的角色,身邊的吳卓羲亦笑言睇唔慣「柴九」變了型男大隊長呢。拍攝當晚天氣太凍,個個演員都要捱冷死頂,所以不用埋位時,祥仔即時披上羽絨兼在路邊「操兵」熱身,狀甚趣怪惹笑。

祥仔凌晨時分到數碼港拍攝新劇《法證先鋒3》,為配合角色,造型Cool到爆

■祥仔凌晨時分到數碼港拍攝新劇《法證先鋒3》,為配合角色,造型Cool到爆。

■吳卓羲亦如「華弟」上身,在鏡頭前大擺Chok樣。

■祥仔與吳卓羲鬥Chok,兩大「型男」對望時都忍不住偷笑。

是日嚴寒,祥仔(右)與陳茵媺(左)拍完一個鏡頭,便拿拿臨穿上羽絨禦寒

■是日嚴寒,祥仔(右)與陳茵媺(左)拍完一個鏡頭,便拿拿臨穿上羽絨禦寒。

■佘詩曼受傷,女主角之位由張可頤臨陣頂上。(資料圖片)

祥仔凌晨時分到數碼港拍攝新劇《法證先鋒3》,為配合角色,造型Cool到爆

■祥仔大擺型男甫士,卻令大家捧腹大笑。