葉蒨文透露郭晶晶還未生

葉蒨文(Sally)噚晚喺澳門舉行《完全是你》演唱會,不過其中一件束身歌衫令沙麗腰間啲肉一節節咁凸出嚟,大煞風景,Sally當然落力演出,仲三度落台同觀眾握手,不過佢話同啲觀眾互動時佢哋只係掛住攞手機影相,唉,依家好多演唱會都係咁o架啦!

問到好朋友朱玲玲嘅新抱郭晶晶生咗未?Sally話:「我都想問番你哋,Loletta(朱玲玲)話一出世會通知我,佢今晚冇嚟可能都係等緊,我真係唔知幾時,我諗Loletta都唔記得預產期。」咁問佢會唔會同晶晶個BB上契?Sally笑言:「我咁嘅年紀都係契婆,未有準備禮物,諗住睇咗BB樣先決定。」又話未知晶晶腹中BB係仔定係女,因為佢哋保密功夫做得好,不過就相信佢哋唔會收埋,一有喜訊一定會通知大家。

葉蒨文(Sally)噚晚喺澳門舉行《完全是你》演唱會
葉蒨文話晶晶應該仲未生。

葉蒨文(Sally)噚晚喺澳門舉行《完全是你》演唱會
呢件歌衫好蝦人著啫!
葉蒨文(Sally)噚晚喺澳門舉行《完全是你》演唱會

葉蒨文(Sally)噚晚喺澳門舉行《完全是你》演唱會

葉蒨文(Sally)噚晚喺澳門舉行《完全是你》演唱會
Sally又話晶晶生咗嘅話,霍家應該會公佈。