高海寧留幻想空間吊高嚟露
今年夏天，大批水着寫真勢必湧現，新一代「咪神」高海寧卻斷言暫時無意出寫真：「身材係天賦係應該好好運用，但就唔想一次過晒冷！」「咪神」果然有頭腦，識得吊高嚟賣。
夏天將至，不少女星及模特兒紛紛磨拳擦掌，爭出水着寫真，相信不少男士均很期待34D「咪神」高海寧拍水着寫真，不過高海寧卻令宅男Fans失望：「公司冇咁嘅安排，呢啲留番畀後生女啦！」
梁政珏（左起）、高海寧及李曼筠都是新一代「咪神」。
高海寧又指除了電影及廣告外，其餘時間都不想穿泳衣：「我認定做藝人係終身職業，身材係天賦，應該好好運用，想留番啲幻想空間，唔想一次過晒冷。依家我有積極進修唱歌、演技同英文，希望大家唔係淨係注意我嘅身材，會欣賞埋我嘅才華，唔想淨係畀人覺得得個殼。」
對於大批模特兒在夏天鬥騷身材博出位，高海寧認為展示天賦無可厚非，但不能獨沽一味：「初初入行，將最靚嘅一面騷畀人睇都可以，但賣點唔可以淨係得身材，要有其他，否則短時間內彈出都無以為繼，身材可以騷幾耐呀？」另外，近期她清減不少，擺脫過往圓潤外形，原來她為了減肥，整個月三餐都只吃麥皮，終成功減去十多磅贅肉。
「咪神」高海寧積極自我裝備，希望外間不止注意其身材。
羅仲謙隨便晒股樂做肌民
羅仲謙最近在電視劇中晒肌而人氣急升，但他嫌40吋胸肌未達高峰，決心狂操，他亦不介意以三角褲示人，更樂於露股。
羅仲謙日日舉鐵練大隻，希望40吋胸肌更發達。
羅仲謙在劇集《搜下留情》中晒肌，因而人氣急升，但他並未滿足於現時的Fit爆身形：「拍劇前兩、三個月開始操，嗰時推到最高峰，依家40吋度，仲有發展空間，線條可以再勁啲！」他亦樂於大騷身材：「唔介意只着三角褲，之前有電影搵我拍裸露鏡頭，嗰時唔想見到太多肉，前面唔得，但露股就接受，Pat Pat冇咩特別。」他直言吸納男性及同志Fans，比獲女Fans支持更開心，但他堅稱是百分百喜歡女性的，可惜他處於戀愛真空期已達三年，提到擇偶條件，他希望女友身材高挑及體諒他。
羅仲謙走「肌男」路線，原來是受偶像畢彼特影響：「佢身形好正，我覺得男演員要有台型，身形係最簡單直接咁騷到有型。」但要Keep住大隻佬外形絕不簡單：「每日操兩至四個鐘，主要係舉鐵，同打波呢啲帶氧運動，做Gym成為生活習慣，有日除衫見到肚腩真係接受唔到！我唔節食，至鍾意食燘肥豬肉，Gym前後食白烚雞柳，雞蛋幾日一隻，仲飲蛋白質沖劑同豆奶。」
最近因晒肌熱爆的羅仲謙，不介意在大銀幕上露股。