鄭秀文失落影后 等許志安安慰:他要做點事

鄭秀文昨晚出席「第32屆香港電影金像獎頒獎典禮」未能奪得影后,今日出席活動時表示,結果公布前心跳加速,但很快便平伏心情。談到獲男友許志安稱讚昨晚很美,鄭秀文笑說:「他要做些事。(他有否說安慰說話?)不在這裏說,但他要做點事。」對於昨日敗給了楊千嬅,抱平常心看待的她講到上一次入圍已是七年前,那時憂鬱癥發而無法說服自己走紅地毯,心有餘悸的她說昨日上紅地毯前依然很害怕彷彿恐慌癥發,走紅地毯對她來說永遠是很彆扭的一件事。

隔空冧女 Sammi:再次落敗 安仔:還要甚麼?

鄭秀文(Sammi)喺屯門出席Osim活動,好自然話題又會去咗噚晚金像獎輸咗俾楊千嬅、又一次拎唔到影后嘅問題上。

Sammi噚晚輸咗獎之後,喺微博同facebook留言寫道:「Sorry,令大家失望。」男友許志安即安慰謂女友打扮得好索:「今晚美得偷盡全場鎂光,還要甚麼?」好冧啊!

雖然有男友安慰,不過輸咗獎,多少都會有失望,Sammi今日受訪時話:「最激昂係宣佈嗰吓,心跳加速到300;好彩平時有跑8公里鍛鍊,否則心臟負荷唔到。我好快平伏心情,完咗去食宵夜,仲有郭富城幫我埋單,好開心!」

Sammi話覺得對手嘅實力平均,勝負取決於評審口味,而佢亦尊重比賽精神,接受賽果,每次經驗累積得以處理希望與失望。

提到安仔用讚美安慰佢,Sammi笑笑口話:「梗要做啲嘢啦!唔係唔做呀?我哋好少喺微博咁講,感動嘅,咁講係想俾下鼓勵,佢應該唔會失望,佢想讚我靚,唔係安慰,係覺得我好索,真係讚我係開心嘅!」咁平時有冇都讚你索?Sammi好坦白話:「睇下化妝前定化妝後,兩個人相處,容貌佔好少,彼此相處最重要,對一世唔係對個樣。」


小朋友因咩事個樣嬲爆爆咁嘅?點解Sammi又笑成咁呢?


一顆一顆小星星……

小妹妹隻腳仔唔夠長呀…

主持幫小妹妹「擺甫士」學Sammi,逗得Sammi笑不攏嘴。

整番靚靚個皇冠先

smile﹗靚晒﹗

Sammi今日凌晨12時喺微博寫道﹕「mi 再一次落敗了﹗」

安仔於今日凌晨三點留言安慰女友。好sweet呀﹗