同是單身的藝員沈震軒及歌手陳僖儀，日前到酒店預祝情人節，在威尼斯及日本主題房間共進晚餐，十足甜蜜情侶！二人自爆相識前已默默留意對方，可見互有好感，隨時有發展可能！
去年人氣急升的無綫藝員沈震軒（Sammy）及女歌手陳僖儀（Sita），日前到酒店主題房間歎晚餐，借用對方做「暫時情人」率先感受情人節氣氛。二人因拍戲而成為好友，互餵時一臉甜蜜，原來他們早於相識前已互相「傾慕」，留意對方的作品，難怪見面後一拍即合！Sita說：「我睇劇集已經覺得佢好靚仔，之後電影《喜愛夜蒲2》開鏡，我即刻搵佢合照！」Sammy則表示一直有留意Sita的歌曲：「仲未識佢時，我已經喺微博讚過佢，識落覺得佢個人好真誠。」問到有否發展機會，他們即笑言不排除任何可能性，希望今年可同台合唱及拍戲。
開房保私隱
談及情人節，Sita直認非常重視，以往通常由她安排節目，男友只要配合便可：「有一年我帶男友去學整餅，咁就消磨一個下晝，我唔要求佢送咩，只需要交個人出嚟陪我。」而Sammy最難忘求學時曾買下一大束粉紅玫瑰給初戀女友，但入行後已甚少冧女情趣。
當日，二人遊覽酒店內8間模仿不同城市的主題房，Sammy大讚有創意，當中最欣賞日本京都及威尼斯主題，他笑言因沒有長假期，在房間逗留一會即有旅行感覺，而Sita亦讚不絕口：「我鍾意有私人空間咁過情人節，感覺Sweet啲，去餐廳好似同隔籬枱嘅情侶一齊慶祝咁。」
沈震軒與Sita到酒店提前感受情人節的甜蜜氣氛！
早已互生好感的沈震軒與Sita，歎大餐時甜到出面。
沈震軒為Sita鬆骨，睇見都「梳乎」！
Sita重視情人節，不介意安排整日節目。
沈震軒與陳僖儀在浪漫酒店房預祝情人節，外形匹配猶如真情侶。