吳君如開拍《金雞3》 邀古天樂陳妍希客串

袁詠儀(靚靚)、郭晉安及吳君如,今日喺九龍灣出席麥當勞慈善拍賣活動,安仔嘅5歲仔仔幫活動設計枱櫈 ,拍賣到八萬一千蚊。

靚靚表示每年生日都會放生食齋:「生日願望係老公同個仔乖啲,唔好夾埋激我。」佢笑言老公張智霖搵到錢,距離自己年輕有錢退休計劃又邁進一大步。另外,君如籌備拍《金雞3》,最快年底開工,邀得張學友、梁家輝、張家輝、鄭中基、古天樂同陳妍希合作,咦,唔通君如又想撮合古仔同妍希?佢立即話:「陳妍希唔關古仔事,佢哋唔會同場,事前知會咗古仔會有陳妍希。 」

今日郭晉安、靚靚同吳君如出席慈善拍賣活動。
今日郭晉安、靚靚同吳君如出席慈善拍賣活動。