喺新劇《熟男有惑》演「藍爵士」嘅單立文（豹哥），今日去到新城接受家燕姐訪問，豹哥笑說：「角色係佢心底好深層次嘅自己，但絕對唔係賤男，只係想談轟轟烈烈戀愛嘅熟男。」

豹哥話太太胡蓓蔚起初都唔慣佢演呢個角色，因為平日佢係好好先生負責家頭細務，佢仲強調細個有理想做全世界最好男人，雖然自覺未係，但太太已經話係。

有報道寫佢拍七部三級片而影響生育，佢話：「唔講，呢啲咁嘅報道唔講。」問到會否生兒育女，佢就話自己好鍾意自由，暫時唔想放棄自由生活。

豹哥表情多多，估唔到佢咁鬼馬啵﹗

單立文話嚮往自由生活。

單立文同薛家燕齊擺勝利手勢。