陳敏之隨時結婚生B 首演媽媽激發母性

陳敏之在新劇《熟男有惑》中首次飾演媽媽角色「顧嘉瑩」,由於小演員既合作又可愛,引發敏之生B衝動,坦言不排除隨時跟男友拉埋天窗,加快生B步伐,不過她若結婚不想大排筵席,反而會低調選擇旅行結婚,甚至不會穿着婚紗行禮,更可能會仿效陳豪完婚後才公佈好消息。

陳敏之最初知道要飾演媽媽角色,坦言也感到很緊張,「雖然我本身好鍾意小朋友,但始終自己未做媽咪,仲要演有個4歲嘅仔,好彩個小演員好乖好合作,仲好識得照顧我,好似男朋友咁幫我蓋被?!」

當正安仔做阿哥

敏之坦言受可愛小演員影響,即時有做媽媽的衝動,「睇見啲小朋友咁得意,都想快啲做媽咪,其實我同男朋友隨時準備結婚,況且我都唔想大搞,一班親友一齊就OK,或者去旅行結埋就得,唔一定要着婚紗?!不過唔會預先講啦!我鍾意低調,或者好似陳豪佢哋咁,結完咪話畀大家聽囉!」

今次敏之繼《東西宮略》後再跟安仔郭晉安合作,默契更勝從前,難怪在《玩嘢王》節目中,敏之二話不說便答應借二十萬給對方,「我同安仔平日真係乜都傾,我有嘢諗唔通,都會搵佢畀意見,但冇諗過同佢友情有幾深,直到個節目叫佢問我借廿萬,我諗都唔諗就答應,自己都估唔到當佢咁Friend,真係當正佢係阿哥咁,呢次之後大家友情仲深咗,喺《獎門人》佢又幫番我頂辣壽司。」

陳敏之隨時結婚生B 首演媽媽激發母性