犧牲，對陳敏之來說意義重大，熱播中的《怒火街頭》犧牲色相，鏡頭前後皆被人指指點點，感受絕不好受。說到感情深厚的陳山聰為了愛情，犧牲一切，陳敏之帶點不屑，但仍保護這位「契哥」說：「佢變咗好多，大家關係變得疏離，但他日佢衰咗，我都唔會唔理佢！」 採訪：方騫平　攝影：陳辰 服裝提供：Roxy及Accessorize dress

要突破，陳敏之在無綫新劇《怒火街頭》破格演「鳳姐」，經常衣着性感在深水埗街頭遊走，的確不容易，「要叼煙仔，要性感，背心熱褲遊街時，曾俾啲無禮貌嘅男人逼埋身，用手機由頭影到落腳，真係一步一驚心，好驚俾人博懵！」

求監製刪祼跑戲

一步一驚心，還意外跌斷鎖骨，「那場祼跑追賊戲，埋位只披上大浴巾，雖然有tube top同短褲打底，但感覺跟祼體冇分別，最後因為仆倒地上仆得太投入，結果跌斷左邊鎖骨，呢一跌令我受咗好大傷害。」受傷經過，敏之眼泛淚光，「我負傷配音時仲重播受傷那幕出嚟，睇到都覺得好恐怖，坦白講，真係接受唔到，我要求將受傷呢幕戲刪除，監製見我苦苦哀求，唯有答應。」

說到「契哥」陳山聰被指重色輕友，敏之慨歎說：「自己都會痛心！我唔方便評論人家感情事，但佢個人係變咗！可能目前佢生活得好好，佢咁大勇氣放棄全世界一定有佢嘅原因，佢開心就好，否則仲可憐，全世界好似遺棄佢咁，反而仲令人擔心佢。」

眼見陳山聰立心跟自己劃清界線，敏之抽口氣大方說：「我唔會同佢玩絕交，但現階段處於敏感時候，我唔想見佢，他朝佢衰咗，我都唔會唔理佢！」當問到敏之是否看好山聰和何超雲這段富貴情時？敏之即說：「佢哋都無承認過，等佢哋拖住出嚟時，我先回答呢個問題啦。」

在《怒》中，陳敏之破格演「鳳姐」兼要大膽地在街頭「祼跑」，可惜因跌傷入院，「裸跑」鏡頭最終由臨記代勞。

對住契哥為了愛情犧牲一切，陳敏之仍保護他，指「他日衰咗，唔會唔理佢」。

陳敏之與陳山聰昔日感情深厚，沒想到如今竟有如「劃清界線」。資料圖片

拍得太投入，陳敏之更跌斷鎖骨。