《官人我唔要》之音音姐請食鮑魚 樂仔：乾鮑呀
由余文樂、杜汶澤等主演嘅《飛虎出征》票房報捷，截至噚日收1,088萬元。咁收得，監製彭浩翔噚晚唔使再拉隊穿梭戲院謝票喇，但都係謝，不過係答謝一眾演員。之但係，慶完功，佢哋都係去咗突擊謝票，咁啱噚日，前日亦是彭浩翔太太生日，彭送上蛋糕及鮮花，二人在眾人起哄下錫錫。之後一眾演員突擊去戲院謝票。
噚晚《飛虎》喺尖沙嘴舉行慶功宴，阿澤一嚟就喺台上笑道：「呢度咁似夜總會，叫紅牌阿姑邵音音帶啲女出嚟。」接著音音姐便領著陳靜(DaDa)、林兆霞、Celia K.(郭穎兒)等行catwalk出場。
咁仲唔止，戲肉，喺呢度……食鮑魚。一班囡囡服待眾出征猛男，樂仔先行受惠，音音姐餵佢食鮑魚，樂仔一見音音姐用叉叉住隻肥美可愛大鮑鮑，個樣有啲驚:「你俾你隻鮑魚我呀？」音音姐笑到係咁「自震」，阿澤就喺旁邊喪笑。樂仔冷靜下來，就嚟料喇:「我好榮幸食到音音姐隻鮑魚！」阿澤即笑道:「佢珍藏咁多年，係留番俾你0架！」樂仔即接口道:「乾鮑!」最後樂仔惟有硬食啦！！！！
樂仔個樣，同音音姐個「食啦！食啦！食啦！食啦！」個樣…爆趣。
wow，風情萬種嘅音音姐
樂仔個表情，so sad。
樂仔話:「我好榮幸食到音音姐隻鮑魚，嘩！」阿澤即笑道:「佢珍藏多年俾你！」
未完o架，樂仔再話:「乾鮑呀！」
津津有味
官人，你仲要唔要？
《DaDa請你食鮑魚》之《多汁先會滴》
好喇好喇，音音姐請完余文樂食乾鮑(樂仔自己話乾0架)之後，輪都輪到DaDa陳靜喇。受惠者，梗係杜汶澤啦。
DaDa餵阿澤食鮑魚嗰陣，滴咗好多汁，好濕……阿澤一副淫樣說:「多汁先會滴。」點知彭浩翔竟然提議DaDa:「不如試吓用口擔住餵阿澤食啦。」台下眾人即起哄，阿澤和議﹕「監製，我一向反對你言論，今次講得好x啱！」話口未完，阿澤就ready，頭傾前，嘴張開，舌頭伸長，試探虛實，縮番，又再伸長……然後出動「含」功，嚇得DaDa大驚失色，阿澤一含住，佢就即縮!
阿澤一食完DaDa……請佢食嘅鮑魚之後，即興奮大叫:「鮮甜!」DaDa就話唔擔心俾杜太田蕊妮詐:「宣傳啫，都『嚡』唔到個嘴，我都想食吓嘛。」
順帶一提，噚晚當阿澤食緊鮑魚之際，老婆大人田蕊妮喺屋企玩緊貓貓呀。
阿澤，你大件事喇!
DaDa未食鮑魚，已經yummy…
彭浩翔推波助瀾
準備喇
口擘擘
伸脷
咬鮑魚
含喇
啜實
DaDa即彈開…
睇wide啲
食得有功架
冧得你…
「鮮甜!」
老婆拍咀戲 杜汶澤拍3仔報仇
阿澤話寄望票房能突破2,000萬，但未有考慮續集。對田蕊妮喺無綫新劇《忠奸人》將有多場嘴戲，佢即抵死笑道:「平衡番我過去做嘅嘢，我都冇咁內疚，佢拍嘅時候，我都應該去咗日本拍《豪情2》，代表中國出征。」
樂仔被問票房好，會點樣回饋觀眾？他即說﹕「我唔除0架！」但後來改口風謂:「三千萬先再諗啦。」他透露雖然多次跟美國導演米哥曼見面，但仍未能參予其荷里活電影，樂仔表示未有失望，他說﹕「我都怕勝任唔到，唔會太強求。」
開香檳時，噴到好似小朋友尿尿咁。
台下啲攝影機多得你哋唔少喇!
DaDa咁樣著，反而仲靚。
是日菜單