沈震軒出道以來負面新聞不斷，早前被傳形象太花弗而遭太陽娛樂老闆周焯華下令放入雪櫃，直至日前才被召回隨公司到澳門出席開幕活動才漸露曙光。本來一心向外闖，突遭雪藏，他即改口強調經理人公司是無綫，跟太陽娛樂純粹是電影、音樂上的合作，不過有傳他之前原以為有大靠山，所以拒應無綫加簽長約的要求，因而反遭無綫雪藏，變成兩邊不是人。

前晚沈震軒在中環出席萬聖節派對，他承認在無綫冇劇拍：「都係得一個原因，咪等吓囉！解決咗先，嚟嚟去去都係合約問題，?家仲有一年合約，公司兩年前已搵我傾，當時仲有三年約，都係搵我加簽，公司想畀機會我。」而被無綫雪藏的他，直言不想被「做死」：「OK嘅！畀時間自己進修，唔想係咁做，做死個artist，自己都想有進步。」他淡定指自己不是第一個經歷這些問題的藝員，所以會靜待事態發展：「傾咗好耐，唔使咁快決定，加上有其他人搵我傾。條件OK㗎，?家市場大咗，傾吓先。」