沈卓盈同金融才俊麥偉汶熱戀，感情穩定，經常俾人影到兩個人拍拖撐檯腳，沈卓盈仲同男友家人關係融洽，所以經常傳出沈大師同麥偉汶即將拉埋天窗。
噚晚沈卓盈又同男友家人食飯，7點幾麥偉汶入咗銅鑼灣一間意大利餐廳，麥偉汶屋企人一早到咗，前後6個人坐長枱，包括男方父母，沈大師就坐中間，男友坐喺佢右手邊，左手邊就係男友老竇，老豆對面係男方媽咪。
成晚食飯氣氛好好，一齊飲酒有傾有講，沈大師滿面笑容，食到9點幾，沈大師同男友走人，出到門口見到記者影相雖然表現尷尬，但仍然友善揮手。問佢係咪見家長，沈大師話:「食飯咋」記者再行埋啲影相，麥偉汶就話：「我圈外人唔使啦。」然後對記者彎腰鞠躬，佢父母走時怕記者影相，半個鐘後攝住人堆走，伯母好驚搞到要用紙袋遮面，麥爸爸就飲咗酒面紅紅，兩公婆分開行，問「準新抱」沈大師係咪見家長，麥父唔出聲但微笑，問個仔同沈卓盈幾時結婚，麥父都係冇出聲走咗。
成晚好好笑容
男友爸爸坐正隔離，麥父明顯已經認定「未來新抱」。
出門口有啲尷尬
仍然揮手
避都冇用….
連手勢都一樣，幾夾!
不過都影慣影熟啦．．．
分得咁開做咩呀….