由港、台兩大男神張智霖、王陽明擔正，薛凱琪和梁靖琪等領銜主演，金牌監製梁家樹及其黃金班底打造，穿梭香港、布達佩斯、馬來西亞三地拍攝，秏資超過1.8億的現代懸疑警匪網劇《蝕日風暴》，將在9月22日晚上8時在香港「黃Viu煲劇平台」獨家首播，勢必掀起一股煲劇熱潮！

網劇抬頭，去年一部《反黑》引發網民熱烈討論。被喻為2018年年度超級網劇的《蝕日風暴》，雲集一眾好戲之人，當中包括秦沛、劉兆銘、羅家英、許紹雄、盧惠光、林嘉華、麥長青、陳啟泰、艾威、張松枝等，重量級群星陣容更勝《反黑》！

百萬富翁恨做壞人

久未拍劇、在《蝕日風暴》中飾演國際刑警郭Sir的陳啟泰透露，一度與《蝕日風暴》失之交臂！「入行廿幾年，以往多數做主持、或者飾演專業人士，就連扮疆屍都要著住西裝，所以劇組初時邀請我扮警察，我係推咗嘅，因為我想做啲好玩啲嘅角色，最好係變態佬或者殺人犯！後來佢哋提議我演出另一角色，啱晒喇，正正係我想做嘅嘢。」「郭Sir」直言角色會有大反差，劇迷記得留意！

至於與張智霖的多場對手戲，陳啟泰笑言似足敍舊：「同Chilam識咗好多年，大家有共同朋友，細個成日一齊出去玩，不過合作都真係第一次，所以都好珍惜呢個機會。」

有文化的黑幫大佬

「綠葉王」艾威於《蝕日風暴》中，再度飾演監獄中黑幫大佬，艾威坦言角色有別一般囚犯，在演譯上較具層次，「上次參演Tommy（梁家樹）嘅劇集都係飾演黑社會大佬，不過今次喺創作上有啲分別，我將佢設計成比較斯文、有啲文化背景，所以我要求喺監獄裡面要有本書跟身，係一個不斷求進、識得自我增值嘅角色。」

造型方面，艾威亦下了不少苦功：「喺監獄入面服裝都係一致，唯有喺髮型上花啲心思。事先做咗功課，知道裡面容許犯人將個頭梳得整整齊齊，於是我就以一個整齊嘅髮型同大家見面。」艾威更透露，劇中一場監獄暴動戲相當有睇頭：「打鬥場口令人難忘，今次我都有參與呢個大型場面，不過因為係大佬，所以就指揮居多。」

據知一眾戲精擔當的角色尤其重要，如許紹雄是張智霖的人生導師、盧惠光是張智霖和王陽明決裂的導火線、向來飾演慈祥爺爺角色的劉兆銘（Ming Sir），是次挑戰大反派角色等等，同樣令人期待！想知更多，記得留意9月22日，於「黃Viu煲劇平台」獨家首播的《蝕日風暴》！