楊思琦首踏台板演舞台劇 鍾嘉欣死穴唔揸得車

入元朗睇騷感動焦媛
思琦首踏台板演舞台劇

最近楊思琦接受焦媛邀請演出舞台劇《情場如戰場》,本月 22日開始在上環文娛中心一連演出 15場。原本大家風馬牛不相及,思琦也從來沒演過舞台劇,何以會有這次合作機緣?

楊思琦

焦媛讚難得純真

焦媛日前接受訪問說:「大家之前冇接觸過,但思琦成日嚟睇我做舞台劇,仲知道佢特登入到元朗睇我齣《野玫瑰》,唔識路睇住地圖開車入元朗搵,佢拍戲咁忙,如果唔係好鍾意舞台劇,一定唔會咁有心,所以我就主動搵佢合作。」

在短短個多月的綵排相處下,焦媛對思琦更是讚不絕口,她說:「可以用出淤泥而不染嚟形容佢,喺娛樂圈呢個大染缸,佢仲保持到一份純真,呢樣好難得。」

楊思琦

思琦(左)山長水遠入元朗欣賞焦媛主演的舞台劇,令焦媛感動萬分,更因此獲邀演出舞台劇《情場如戰場》

焦媛和楊思琦在舞台劇中載歌載舞,思琦為此跟老師學唱歌。資料圖

焦媛和楊思琦在舞台劇中載歌載舞,思琦為此跟老師學唱歌。資料圖

自嘲行路似隻蟹

同場的思琦則謂感覺像多了個大姐姐,她說:「佢好似姐姐咁提我好多,我好鍾意睇佢演舞台劇,企喺台上已經好有吸引力,尤其係唱歌跳舞部份,聽到話搵我演真係開心都嚟唔切。」

第一次演舞台劇,思琦心情難免緊張:「第一次做舞台劇,心情真係又興奮又緊張,初初排戲時感覺自己行步路都好似隻蟹咁,加埋有好多唱歌跳舞場面,全部係 70年代歌曲,總共有 30幾首,我只有冲凉時至會唱吓歌,有啲音都唱唔準,家跟老師學唱歌,掌握到點樣運氣去唱,另一個挑戰係忍笑,因為呢個係喜劇,對白好惹笑。」

採訪:魯萍 攝影:林德雄

焦媛讚思琦純品冇污染

焦媛與楊思琦首次合作演出音樂劇,思琦坦言劇中同時兼顧唱歌、跳舞和演戲感有難度,幸得焦媛提點令她更易掌握;而焦媛亦大讚思琦是出污泥而不染的專業演員。

焦媛(右)和楊思琦

焦媛(右)和思琦首次合作,卻情如姊妹。

身兼演員和藝術總監的焦媛聯同楊思琦、歐錦棠和李潤祺,首次合作由高志森執導的音樂劇《情場如戰場》。眾人為音樂劇忙於排練踢躂舞,現場所見眾人相當合拍齊整,焦媛說:「我哋排咗幾個星期,每日最少四個小時,個個都排得好辛苦o架,我對腳仲排到瘀晒。」

獲提點當妹咁錫

而首次演出音樂劇的思琦表示,除了跳踢躂舞有難度外,更需要同時兼顧唱歌、跳舞和演戲,對她來說是一個大挑戰,她說:「焦媛演出經驗比我豐富,遇到難題都會主動提點我、教我。劇中我哋飾演兩姊妹,但台下佢都對我好似妹妹咁錫。」

焦媛亦大讚思琦是圈中難得一見純品的演員,她說:「人哋話娛樂圈係大染缸,佢就有出污泥而不染的感覺,對自己要求好高,每次都話唱得唔好要求再嚟過,但我哋個個都覺得佢已做得好好,根本冇問題。」

焦媛(右)和楊思琦

焦媛和思琦穿起六吋鬆糕鞋,一步一驚心。

歐錦棠(左起)、思琦、焦媛和李潤祺穿起懷舊服裝,造型相當過癮

歐錦棠(左起)、思琦、焦媛和李潤祺穿起懷舊服裝,造型相當過癮。

六吋高的鬆糕鞋

六吋踭步步驚心

劇中以七十年代為時代背景,戲服亦相當懷舊,二人需要穿上六吋高的鬆糕鞋演出,二人可謂一步一驚心,焦媛說:「綵排都要着住,返到屋企對腳攰到冇晒知覺。」而思琦則表示要好小心處理,否則拗柴會影響之後的演出,她說:「夢境成真嘞,依家咁高可以做超級模特兒嘞。」

鍾嘉欣死穴 唔揸得車

劇集《公主嫁到》中,鍾嘉欣飾演的吳四德,不但頭腦簡單,更有一個「四不得」的宗旨,就是「不得貪、不得怨、不得惡、不得欺」。雖然劇中的嘉欣有四不得,但現實中的她卻形容自己係「乜都得」,唯獨只有一樣「不得」,而這個更是她命中的死穴:揸車。攝影:TungStar撰文:霍淇

鍾嘉欣於新劇《公主嫁到》內的吳四德,是金家內的丫環,為人性格單純,任何事情發生都只會以「得!冇相干!」來回應,甚討人歡喜。對於「吳四德」,嘉欣亦坦言覺得這個角色是個善良到不能令人相信的地步,更不諱言希望自己能像她一樣。「佢成日俾人呃,每個對佢好少少嘅人佢就會信,仲當正佢哋係恩人,如果我現實生活可以好似吳四德咁開心、咁天真無知就好喇!」

對車有恐懼

劇中吳四德有「四不得」,現實中自認堅強及命硬的嘉欣,笑言自己亦是「唔死得」,加上捱得食得惡得又鬧得,故她稱自己為「乜都得」,不過這個「乜都得」的背後其實亦有唔得。「就好似吳四德咁唔可以貪,唔可以欺負人,呢兩樣我真係唔得!」

除了唔貪心及唔欺負人外,嘉欣用非常認真的表情表示自己「最唔得」的,就是駕車。

拍劇食到嘔

「揸車對我嚟講係我嘅弱點,你教我演戲、跳舞我可能會識得跳、識得演,你教我整車我都可能會識整,但你叫我揸我真係唔得,因為我對車真係有恐懼,我之前係加拿大撞過車,撞完之後我見到架車原來係咁脆弱,就有少少驚,同埋因為我冇方向感,人哋啲車衝埋嚟我又唔識得停車,所以恐懼。」

縱然《公》劇內,看着大力又大食的嘉欣經常不停口係咁食,但她卻坦言不甚享受,因為幾乎食到嘔,成為她拍《公》劇最辛苦最難忘的事情。「其實公司啲道具師傅已經好錫我哋,盡量都搵啲乾淨、新鮮擺得入口嘅,但好多時都因為度唔到時間,好似第一場我出場果陣要食水餃,雖然已經有微波爐叮返熱,但問題係啲嘢食叮得太多就冇晒水份,食到真係想嘔。」

黃浩然勤力

嘉欣將會在《公》劇中,跟演「三少爺」的黃浩然發展一段感情,但其後卻因嘉欣感到兩者的地位懸殊,而知難而退。雖然未知兩人最後結果,但提到這位情人,嘉欣即讚不絕口,指對方是自己入行以來見過最勤力的男演員之一。

嘉欣說:「佢好緊張每一場戲,拍之前佢都會同我溝通得好仔細,所以我好欣賞佢專業精神!」幸而嘉欣最後說明是欣賞對方的專業精神,要不然看着她提起黃浩然時雙眼發亮的樣子,必定會誤以為她暗戀對方。

看着嘉欣的神情,問到入行多年的她現在是否想拍拖,她想也不用想地說:「梗係想,人係應該配搭另一半,但o依家就隨遇而安。(有冇諗過自己幾時會結婚?)之前諗住21歲結婚,但o依家已經超咗齡,o依家就諗住30歲,仲有4年,所以我會好努力。」