思琦新歡欠債唔還 鼎爺:佢上錯賊船

楊思琦狠撇拍拖 9年男友李泳豪而搭上香港跳水隊前成員新歡吳帥,可惜千揀萬揀揀着被指借錢唔還的吳帥,前日吳帥再被本報踢爆他 06年被人入稟小額錢債審裁處追討數萬元欠款。對於思琦愛錯郎,李家鼎與李泳漢父子昨日聯手插爆思琦新歡,李家鼎說:「佢有眼無珠,上錯賊船。」又指將來吳帥返港時定被大批債主追債說:「冚家鏟啦,一人一搥都打死啦。」李泳漢則揶揄思琦新歡說:「我細佬梗係好好多。」

楊思琦與李泳豪分手演變成她與李家的罵戰,繼豪仔兄長李泳漢力數思琦是大話精後,思琦日前亦反擊,數臭施明及李泳漢十宗罪,指母子二人在家中當她透明、掟她的物件,甚至指李泳漢大食懶打細佬,氣得李泳漢要與楊思琦當面對質。

楊思琦與拍拖 9年的李泳豪分手,竟演變成連番罵戰,令她的乖乖女形象受損。資料圖片

楊思琦與拍拖 9年的李泳豪分手,竟演變成連番罵戰,令她的乖乖女形象受損。資料圖片

在網上瘋傳的吳帥伴思琦兩母女購物的照片,吳帥如大爺般的坐姿備受網友抨擊。互聯網圖片

在網上瘋傳的吳帥伴思琦兩母女購物的照片,吳帥如大爺般的坐姿備受網友抨擊。互聯網圖片

李家鼎日前在微博上載與泳豪在劇集《拳王》中的婚宴戲造型,十分應景。微博圖片

李家鼎日前在微博上載與泳豪在劇集《拳王》中的婚宴戲造型,十分應景。微博圖片

寸思琦妹有眼無珠

本報前日獨家踢爆吳帥(紅框示) 06年因欠債而鬧上小額錢債審裁處,被裁定還款兼繳訟費。

本報前日獨家踢爆吳帥(紅框示) 06年因欠債而鬧上小額錢債審裁處,被裁定還款兼繳訟費。

然而,正當雙方罵戰連場之際,思琦卻被揭揀錯郎。思琦日前承認今年 5月與吳帥 Andy拍拖,不過,她口中十分關心自己和很適合自己的新歡,原來誠信方面很有問題。繼吳帥向其跳水隊隊員借錢,轉職教跳水後又向學生家長借錢,但往往一借冇回頭後,日前本報又獲一份小額錢債審裁處判決,裁決中清楚顯示吳帥( Ng Sui) 06年被追討欠款,據悉款項約數萬元,裁決指吳帥缺席聆訊,被告人吳帥除要向申索人償還欠款外,還要支付 180元訟費。
對於思琦的新男友吳帥,李家鼎昨在電話中說:「叫佢小心啲睇定啲,嗰個人俾人起到佢周身債、個底唔好,即係係一個空心老倌,佢(思琦)有眼無珠囉!只可以講一句:『上錯賊船』,欠人幾萬蚊唔還,又話買樓畀 o靚妹(思琦)。」

嘲吳帥匿埋避債主

曾幾何時思琦妹與李家上下和洽相處,如今竟變成仇人般互罵。

曾幾何時思琦妹與李家上下和洽相處,如今竟變成仇人般互罵。

對於吳帥被指曾向不少學生家長借錢,但一借冇回頭,李家鼎聞言後冷笑說:「如果佢一蒲頭,咪成班家長出嚟?冚家鏟啦,一人打一搥都打死啦,係咪?」李家鼎不忘揶揄吳帥說:「問人借錢唔還真係唔係人,我成日教兩個仔,人哋對你有恩一定要還,唔可以扮冇件事。我係窮,都要窮得有骨氣,唔怪得佢(吳帥)思思縮縮唔敢出嚟。我個仔份人好豪爽,成日幫朋友。」
除李家鼎外,豪仔兄長泳漢亦不值吳帥借錢唔還的所為,他昨在電話中冷笑說:「男人借錢唔還呢啲行為唔啱,將佢同我細佬比,我細佬一定唔係咁嘅人,我細佬梗係好好多。」可覺得思琦揀錯郎?李泳漢說:「呢啲我唔評論。」李泳漢早前表示有證據證明思琦講大話,對此他說:「啲證據喺細佬度。」
日前思琦力數施明與李泳漢母子對她十分差,對此施明昨日在電話中說:「我唔想再回應任何嘢,冇乜值得講,我乜都唔理,做人最緊要唔好傷害人。」

俞越撐吳帥有錢
「可以養到思琦」

俞越和吳帥是跳水隊友,他還表示自己介紹思琦認識吳帥。

俞越和吳帥是跳水隊友,他還表示自己介紹思琦認識吳帥。

身為楊思琦與吳帥( Andy) 10多年同學兼好友的前港隊跳水隊成員俞越,昨日挺身為二人講說話,他承認 10多年前介紹思琦與吳帥認識,當時他們互有好感,但未有拍拖。俞越說:「以前我哋三個人行得好埋, Andy有話畀我知佢好鍾意思琦,不過唔知佢有冇表白,後來佢知道思琦有豪仔,所以冇行動。」有指思琦一腳踏兩船,俞越說:「冇呢樣嘢,佢哋拍拖都係呢一、兩個月嘅事。」二人如何開始?俞越說:「唔清楚。」

嘲李家博上鏡

吳帥當年跳水的雄姿腰板挺直,與近日軟皮蛇的坐姿,不可同日而語。資料圖片

吳帥當年跳水的雄姿腰板挺直,與近日軟皮蛇的坐姿,不可同日而語。資料圖片

吳帥現時心情怎樣?俞越說:「佢家承受好多壓力,佢同我講,佢愛思琦愛咗咁多年,佢因為愛呢個女人,所以佢接受任何對佢嘅指摘、唔公平嘅對待,或者唔係事實嘅報道,因為佢鍾意思琦,所以會更加愛佢、 take care佢,更加要佢幸福。其實佢唔需要思琦喺呢個圈做嘢,完全可以養到思琦,佢 finance好、 title好,做嘅生意好。」有指吳帥經常問人借錢,俞越說:「以前吳帥住堅尼地城御花園,層樓 4、 5千萬,佢 7、 8歲跳水已經用大哥大電話,佢老竇以前係上市公司主席,佢老竇家返咗內地,喺機構做高官,生意做得好大,係礦產生意。」然而本報獲小額錢債審裁處資料指吳帥 06年欠債唔還,俞越說:「呢樣真係唔清楚,呢啲係佢以前個人嘢,但佢家 background我好清楚。」對思琦被李泳漢力數不是,俞越說:「搽晒粉做晒大龍鳳嚟數一個女仔,一啲都冇受過高等教育嘅人,呢個唔係電視劇,或者佢冇乜機會上鏡,所以做啲嘢可以上鏡。」