壹週刊 1053期

楊思琦搭鍾嘉欣，兩位選美冠軍人馬繑晒手出動，就連啲化妝小姐都要八卦，走出嚟。

同你吟一吟

楊思琦鍾嘉欣鬥慳

2010年05月13日

因為合作電視劇《人生馬戲團》而成為好姊妹嘅楊思琦、鍾嘉欣，兩個分別係港姐同華姐冠軍，仲要係圈中出名慳妹，啱晒 key。

曾經俾人影過一齊行九龍城出口店，買十五蚊一條底褲嘅慳錢姊妹花又再出動，不過今次唔係出口店，係去海港城買化妝品。
兩位無綫姐仔繑晒手 shopping，沿途路人都忍唔住話：「乜佢哋咁 friend o架？」兩大慳錢孖妹中靚色胭脂唔會即刻「出手」，寧願嘥多少腳骨力睇多幾間，格價格顏色，繼續精明消費。

鍾嘉欣負責揀色格價，每個化妝櫃位都去巡一巡，唔平唔靚色，唔買！