抗癌港姐林淑敏結婚

今年嘅201314──愛你一生一世嘅日子,抗癌成功嘅前港姐林淑敏,宣佈搶閘做蛇年新娘,更承諾婚後努力做煮飯婆,祈求上天恩賜BB。

話咁快,今日就係36歲嘅林淑敏同圈外男友Tommy(陳中原)結婚嘅大喜日子。大前年林淑敏患上第二期乳癌,Tommy一直陪住佢、支持同愛護佢,令林淑敏成功闖過呢一關。今日兩人於灣仔循道衛理聯合教會國際禮拜堂舉行婚禮,結束12年愛情長跑。

林淑敏請來玩具大王蔡志明任主婚人,蔡志明太太亦有出席。藝人之家敬拜會負責領詩,一眾出席賓客包括﹕同樣曾與癌魔交手、同林淑敏互相扶持嘅溫裕紅、鄭子誠、鄺文珣、李亞男、王祖藍、彭嘉麗、高皓正、江美儀、汪琳夫婦、韓馬利、李家傑、岳華等等。

儀式於兩點開始,林淑敏輕挽蔡志明臂彎步入教堂,先由高皓正獻唱《不要驚動愛情》,之後王祖藍與彭嘉麗合唱聖詩《好好戀愛》,鄭子誠讀聖經,其後眾人陸續分享聖經,婚禮仍進行中。

林淑敏今日與圈外男友陳中原結婚,由蔡志明做主婚人。
林淑敏今日與圈外男友陳中原結婚,由蔡志明做主婚人。
王祖藍、李亞男,恩愛的一對,今日手拖手道賀。
王祖藍、李亞男,恩愛的一對,今日手拖手道賀。

林淑敏分享感受喊爆 生B要睇神安排

抗癌港姐林淑敏(Mandy)今日喺灣仔循道衛理聯合教會國際禮拜堂同圈外男友陳中原舉行婚禮,多位藝人到賀。林淑敏著上雪白拖地婚紗入到教堂,分享心聲時感動到喊出嚟。

正式成為陳師奶嘅Mandy,同老公喺台上分享感受時話:「我嚟咗香港十三年,多得老公照顧咗咁耐,我哋噚晚兩個都失眠,佢係全世界最好嘅老公,多謝老爺、奶奶好好咁照顧我。」

喺交換戒指甚至宣讀誓詞時,Mandy都未見激動,反而分享感受時激動得喊起上嚟話:「朋友問我,嫁老公使唔使要靚仔,我話簡單、老實就已經好足夠。」對於Mandy嘅評價,陳中原揚言值二百分,氹到Mandy好開心。

事後被問到有冇生育計劃,Mandy即感觸話:「可能好困難,因為之前個病仲食緊荷爾蒙藥,但老公好鍾意小朋友,都有諗過係咪虧欠咗對方,之後要睇神嘅安排。」至於會否繼續拍戲?Mandy笑言:「會,香港生活比較困難,四百萬嘅樓都係窮人恩物。」

鄭子誠
今日鄭子誠肯定冇陰謀o架!

現場墟埳
陳美詩
教徒陳美詩都有嚟。

入場有啲蝦碌。
林淑敏結婚
Mandy講感受時,感動到喊。
林淑敏結婚
老公反而大笑。
林淑敏結婚
正式成為陳生陳太!
林淑敏結婚
事後接受訪問,Mandy話生B要等神安排。