姚子羚少入廚要偷師 何傲兒上海搵食

何傲兒上海搵食

何傲兒將出發上海拍攝世博特輯,她直言已做足功課:「今次會同楊思琦一齊拍,會去十幾日,之前有同事出發咗,佢哋話當地天氣幾熱,要做足防曬。」傲兒兩年前到過上海,對當地美食印象最深:「我覺得上海啲嘢好好食,預計今次又肥幾磅,因為家姐(何傲芝)有免費機票,我哋可以趁空檔周圍搵食。」

何傲兒將到上海世博拍特輯,最想到法國館參觀
何傲兒將到上海世博拍特輯,最想到法國館參觀。

眾多展館之中,傲兒最希望到法國館參觀,她解釋:「我好鍾意法國,曾學過三年法文,上網睇咗有關法國館嘅資料,知道會有Fashion show睇。(會否選擇法國男友?)哈,我怕溝通唔到!曾有朋友識過法國男仔,識咗幾日已向佢求婚,真係好浪漫!」

傲兒怕識法國男友難溝通
傲兒怕識法國男友難溝通。

服裝及場地:Fornarina

姚子羚少入廚要偷師

姚子羚與黃智賢(Ben)日前為周中師傅主持的節目《星級廚房》擔任嘉賓,期間Ben又切又煮,有板有眼,反觀子羚廚藝較為失色。事後子羚坦承甚少下廚:「之前喺澳洲讀書都會偶爾下廚,但嚟咗香港之後就少咗好多時間入廚房。依家學緊煲湯,可惜仲未成氣候,所以今日即刻請教周師傅,向佢偷吓師。」

姚子羚與黃智賢(Ben)日前為周中師傅主持的節目《星級廚房》擔任嘉賓
Ben(左)與姚子羚擔任周中師傅的節目嘉賓。

此外,子羚認為最開心莫過於與心愛的人一齊下廚,然後一齊食,縱使味道未必好,但感覺浪漫溫馨。