曾志偉帶隊闖日拍《獎門人》特輯

志偉碌爆人情卡

日本旅業相關單位邀請曾志偉到當地拍攝《獎門人》特輯,振興深受核輻射打擊的旅遊業,志偉更會照玩「辣辣壽司邊個食」,搵命博食魚生!

日本3.11大地震引發的核輻射危機陰霾尚未減退,旅遊業更是首當其衝,變得一片低迷。為了振興旅遊業,日本旅業相關單位誠邀「獎門人」曾志偉率一眾藝人,於本月19日赴東京及大阪兩星期拍攝特輯!曾以演藝人協會名義在港發起賑災晚會的志偉,除了安排已停播的《獎門人》「翻生」外,更大無畏挑戰「辣辣壽司邊個食」,無懼進食魚生!不過,不少藝人因當地被發出黃色旅遊警告而耍手擰頭,令「人腳」問題更為嚴峻,監製陳志球說:「依家離出發日期剩番兩星期,仲同啲藝人度緊期,真係有啲難度!」

朋友度期盡撐

有見及此,不在港的志偉「碌爆」人情卡,邀請洪天明、錢嘉樂、金剛、陳美詩、張美妮及湯盈盈等任嘉賓。身在內地的天明說:「志偉有搵過我,為咗撐佢盡量度期啦!都唔擔心輻射,反正該死唔使病!」而張美妮及金剛亦坦言正努力騰出時間,美妮說:「我唔怕輻射,最怕冇得去!去到咩都食,仲要狂買嘢振興經濟!」金剛則說:「我唔驚死,我咁堅強!」

賈曉晨(右二)及黃淑玲曾任《獎門人》嘉賓 。

賈曉晨(右二)及黃淑玲曾任《獎門人》嘉賓 。

志偉碌盡人情卡,請陳美詩及美妮拍攝特輯。(資料圖片)

志偉碌盡人情卡,請陳美詩及美妮拍攝特輯。(資料圖片)

陳美詩

陳美詩