雖然TVB 套大太監已大結局咗好耐，呢套劇唔單止令黎耀祥再度成為視帝，同時亦激發網民創意，喺youtube上載咗一套叫做「太尷尬」嘅動畫，引起網民追捧。

動畫以太監小李子要向福爺攞番「寶貝」做開始，跟住福爺就話要同佢以「寶貝」決鬥(按：內地稱寵物小精靈為神奇小寶貝)。動畫又惡搞啲小寶貝嘅名，將比卡超改做肶卡蕉，將大比鳥改做大肶鳥。仲有復活招式重生，最後小李子成功挑戰仲拎番自己嘅寶貝。

動畫以誇張畫風同搞笑配音吸引網民注意，短短3日已有超過11萬人瀏覽。有網民大讚入面嘅名夠搞笑，亦有人話期待第二集，睇吓有咩新橋咁話。