苟芸慧著錯衫 暴肥似有咗

林峯、鍾嘉欣、米雪、胡杏兒、楊怡、黃宗澤等無綫一線小生花旦今日難得聚頭，齊集新加坡出席《星和無綫電視大獎2013》，同場仲有戚美珍苗僑偉、苟芸慧等，星光熠熠，獨缺未能出席嘅吳卓羲，同扭計唔簽無綫嘅陳法拉。

行紅地氈嗰陣，苟芸慧一身橫向發展嘅泰山裝令其身形更顯豐腴，睇落去橫上加橫，好似又大咗一個碼咁。至於鍾嘉欣則以純白透視取勝，高貴美麗又有少少性感，蹺實陳展鵬出場。至於有愛情滋潤嘅iPad Niki周麗淇勇敢地挑戰好蝦人著嘅A字裙，雖然仍屬「平板」，但艷光四射。有拖拍，果然令舍唔同。

身形豐滿

呢個角度睇，更加不得了。

靚靚鍾嘉欣穿上白色透視裝，性感又pure。

遠睇仲好sexy

三哥三嫂恩愛亮相

iPad Niki大膽穿A字裙，滿臉春風已經夠晒靚喇。

爆乳徐子珊 晒東西半球

苟芸慧今晚以一襲性感泰山裝示人，令其本已豐滿身形更加好似「發水」咁加大咗一倍，令人瞠目。同場另一個令人睇到眼凸凸嘅，非徐子珊莫屬。徐子珊今年除有份爭逐「我最喜愛TVB女藝人」之外，又憑《雷霆掃毒》陳家碧一角爭「我最喜愛TVB電視女角色」。咁啱去年台慶同子珊打對台、兼憑《名媛望族》康子君一角摘視后嘅楊怡又有份爭個獎，再加上鍾嘉欣《護花危情》嘅喬子琳無論喺收視同觀眾緣方面皆更勝兩者，大有機會攞獎。

當然，仲有黑馬而且有精采演出嘅胡定欣(《拳王》，丁恩慈)，實力亦不容忽視。