「鋒芝婚變」傳出半月，每日都有新消息出現，但傳聞都一面倒指貪得無厭栢芝不是，本報昨日率先爆出栢芝決心榨乾霆鋒，只因早已變心內地富豪，看來兩人今次勢在必「分」。
其實鋒芝兩公婆近年經常爭拗，除了講錢失感情外，本報還收到消息指，栢芝將滿天神佛擺滿舂坎角寓所，目的是用來治霆鋒，希望令老公貼貼服服，兼榨乾老公身家，令霆鋒相當不滿，一度向有「警界天師」的簡信回師傅求救，可惜最後被栢芝發難阻止，令兩人再起爭執。
日前本報記者向簡信回師傅求證，他坦承霆鋒曾要求他到舂坎角寓所，以及到公司辦公室睇風水，但最後都被人阻止沒有成事。
曾在警界工作，所以被封為「警界天師」的簡信回師傅，強項是驅鬼治邪，由於曾為有線《怪談》以及亞視《祈談》出任嘉賓主持，所以跟不少圈中人稔熟。日前簡師傅在土瓜灣法壇接受本報訪問時，他坦承認識霆鋒，「我係識Eric先，佢睇完《怪談》個節目，覺得我好厲害，主動經有線搵我，之後佢再介紹霆鋒畀我識。」
舊居不利女人
簡師傅表示替霆鋒愛都大廈的寓所睇風水，大約在「裸照風波」發生後一段時間，當時霆鋒跟栢芝還在他面前相當煙韌，他說：「霆鋒唔鍾意間屋擺滿佛像，主要叫我幫佢淨化晒，當時見到霆鋒同栢芝好恩愛，又拖又攬之外，仲不停咁kiss，雖然我有提佢間屋唔利女人，霆鋒個妻宮本身又比較弱，但係嗰時真係諗唔到佢哋今日會搞成咁。」
簡師傅形容出手濶綽的霆鋒，之後還邀請他為後期製作公司「朝霆」香港及上海的辦公室睇風水，因而認識他的拍檔楊文傑（Dennis）。年前霆鋒曾透過楊文傑搵簡師傅，為舂坎角寓所睇風水兼淨化栢芝所擺放之佛像，之後又再找他為公司銅鑼灣新辦公室睇風水，但兩件法事最後都不了了之。對於栢芝擺到滿天神佛目的是用來治霆鋒，所以出手阻止他去睇風水，簡師父即面有難色說：「唉！……呢啲就唔方便講啦！」
簡師傅的法壇「觀蓮靜舍」內，擺放了他攬着Eric Kwok及女友葉佩雯的合照，可見三人關係密切。
有指舂坎角寓所是霆鋒的Dream House，所以栢芝破壞風水，令他大為不快。
簡師傅被追問是否出面阻他睇風水時，他表現得一臉尷尬，不肯正面回答。
簡師傅表示霆鋒曾向他透露最怕惹是非，所以他相信今次事件必令霆鋒很苦惱。資料圖片
除了栢芝外，奶奶拉姑亦愛在家擺滿佛像，令霆鋒不滿。資料圖片
有傳霆鋒不想一對兒子面對父母離婚的情況，所以暫時未想離婚。資料圖片
「警界天師」起底
48歲的簡信回，在警界30年，本身是高級警員駐守重案及反黑組，早前才正式退休。26歲開始在信善緣學院學法，曾到台灣、內地及泰國修道。近年再跟馬來西亞白蓮西天佛法陳法應法師學法，並得到對方收為入室弟子兼傳人。
