「巨聲幫」出身的何雁詩，最近在劇集《食為奴》中，首度參與演出，飾演「米小魚」一角，對於第一次擔演重要角色，令她相當緊張，壓力大到出現脫髮情況，幸得有經驗豐富的拍檔王祖藍傍住，令她可以順利完成拍攝外，更令她愛上演戲，未來除了唱歌外，她亦希望多在戲劇方面發展。

髮型：Kel Fung@HH.HAIR.NAIL by IL COLPO
化妝：Cora Tsa@Perfect Stage Group

何雁詩09年參加第一屆《超級巨聲》入行，一向以唱歌為主的她，以往都有客串拍劇，譬如《衝上雲霄II》和《On Call 36小時》，不過都因角色需要唱歌才被選中，今次在《食為奴》才是真正考演技的角色。

祖藍幫度笑位

由於初次擔演重要角色，雁詩由起初唔識驚，到後來擔心到脫髮，「最初監製搵我時，仲一口答應，點知到真係試造型，睇啲劇本咁多，仲要係古裝先開始識得驚，開始拍時最怕就係連累到其他同事NG，可能因為壓力太大，嗰排梳頭就會甩好多頭髮，好彩我頭髮夠多，唔係真係會光頭。」

後來雁詩向拍檔王祖藍請教，才令她的脫髮現象自動消失，「初時好多人畀意見我，搞到我仲亂，問祖藍點算好，佢就叫我淨係跟住佢，有佢呢個明燈照住，我就即刻安心晒，之後真係冇再甩頭髮，因為我哋呢對負責搞笑，佢仲幫我度咗好多搞笑位，愈拍愈開心，依家直情鍾意咗演戲，嚟緊都想多啲演戲機會。」

演戲新丁雁詩，因壓力大一度狂脫髮。