黃長興去年同太太Peggy喺法國波爾多紅酒城堡舉行婚禮，今日喺香港洲際酒店筵開35席補擺喜酒，蕭正楠、袁偉豪等做兄弟，弟弟黃長發就做伴郎。一向鍾意揸電單車嘅長興，中午安排九部電單車，由酒店出發尖沙咀廣東道及海旁巡遊，車隊成員包括方中信、吳家樂等，據悉方中信嘅鞋底甩膠，為買膠水延誤車隊出巡時間。
約下晝三點十五分，車隊返抵酒店門外，長興應傳媒要求同太太連嘴兩次，及後Peggy返酒店休息同補妝，長興獨自接受傳媒訪問，佢大讚太太係個一百分好老婆，長興話﹕「佢好識做一個男人身邊嘅女人，會喺人面前俾足面你，返屋企先俾太太做大女人。」長興透露婚禮花咗七位數，由於籌備時間好長，期間曾同太太發生爭執，但相信婚禮後會雨過天青，佢話﹕「由多倫多求婚，法國註冊到香港擺酒，都搞咗一段時間，當中有辛苦，但都好開心，搞完婚禮就會將所有嘢放低，承諾互相愛大家。」長興又話4月中會去法國一個小島同埋夏威夷度蜜月。咁今晚會唔會努力造人？佢笑笑口話：「都想，但等Honey moon先。」
恭祝一對新人白頭偕老、永結同心。
黃長興連嘴老婆Peggy兩次，So sweet﹗
黃長興拖實太太離開酒店。
型到呢﹗
長興揸電單車載老婆，好浪漫。
長興真係好細心，好有風度﹗
兄弟團出動﹗
方中信（左）同吳家樂與一對新人合照。
黃長興鼻樑位有紅點，緊張到爆瘡？
王浩信係兄弟團之一，發咗福變「肥浩信」﹗
蕭正楠官仔骨骨
黃長興細佬黃長發（左三）做伴郎。
長發，幾時輪到你定性呢？
姊妹團…好趕呀﹗
長興晒戒指。
【黃長興結婚】得6萬開門利是 新娘子﹕吓﹗
一對新人出場，咀嘴是必要的啦。
34歲嘅黃長興，今日同圈外富家女Peggy太太喺香港洲際酒店補擺喜酒，筵開35圍。曾居於法國嘅長興為Peggy製造浪漫婚禮，安排九架電單車於尖沙嘴行大運，認真架勢。
晚上6時，長興與太太換上婚紗禮服切蛋糕，兩人情不自禁連錫四次。據悉金至尊更贊助兩人約1800萬鑽飾。訪問期間，Peggy得知開門利是總值只得六萬零九元港紙，不禁「吓！」咗一聲，然後先話：「都冇所謂。」
長興俾老婆100分，問Peggy又俾長興幾多分？Peggy話：「我都畀100分，平等。」長興自爆太太原本要求五卡求婚戒指，他笑說：「依家只買咗兩卡幾，搞完婚禮要儲錢再買過。」
出場喇﹗
夫唱婦隨
秋葉下錫錫
老公，你講先啦﹗
長興自爆太太原本要求五卡求婚戒指，但依家只買咗兩卡幾，搞完婚禮要儲錢再買過。
長發，哥哥依家結婚喇，幾時到你？
連咀四次
至索伴娘團
【黃長興結婚】笑爆﹗ 兄弟團底褲外穿扮「索女」
兄弟團要著住印有比堅尼圖案嘅T恤，仲要底褲外穿，場面搞笑﹗
今日係黃長興同太太Peggy大婚日子，一對新人向傳媒發放八十幾張接新娘同埋揸三輪電單車相片，全程放送、有多冇少，令大家就好似置身其中、有份參與佢兩個婚禮一樣。
據悉金至尊贊助佢哋約1,800萬元鑽飾，而長興今朝著住中式新郎服，同兄弟團包括伴郎細佬黃長發、蕭正楠、袁偉豪及王浩信等，浩浩蕩蕩出發接新娘。
接新娘梗係要玩遊戲啦，不過啲遊戲難度唔算高，長興除咗唱情歌冧老婆外，班兄弟就要著住印有比堅尼圖案T恤，以及內褲外穿扮「索女」，長興就用唇膏喺兄弟內褲前面寫上「I love U Peggy 」，前面？咁咪會掂到……「弟弟」囉，有份玩嘅袁偉豪又點睇呢？會唔會好尷尬？袁偉豪話：「冇感覺，影相咪扮Enjoy囉﹗」
過五關斬六將後，終於抱得美人歸，一對新人即場錫錫，又同兄弟姊妹團影大合照，氣氛熱鬧﹗咁畀咗幾多開門利是呢？長興就話：「用咗16萬9千嘅韓國、越南、印尼、馬來西亞等唔同紙幣做開門利是。」後來Peggy得知呢16萬雜錦鈔票原來總值只係得6萬零9元港紙，都忍唔住「吓！」一聲，然後先話：「都冇所謂。」呢個數目寓意六六無窮、長長久久，好意頭丫﹗
哈哈哈﹗你哋執到啦，呢啲咁嘅遊戲，只屬小兒科之中嘅小兒科。
長興唱情歌冧老婆。
兄弟團人多勢眾﹗
浩浩蕩蕩出發接新娘﹗
新郎哥同索爆伴娘團合照，好艷福喎。
接到新娘，梗係要咀嘴啦﹗
一對新人同兄弟姊妹團大合照，非常熱鬧。
新娘Peggy（中）同姊妹團
我嫁人喇﹗姊妹團加油咯﹗（設計對白）
【黃長興結婚】扮型方中Sir甩膠底 俾人笑到嘴歪
有型男老公揸靚車，仲有9格電單車護送，新娘子威到盡﹗
黃長興同圈外富家女太太Peggy喺洲際酒店補擺喜酒，下午嗰陣出動三輪電單車接載太太，由酒店出發，喺尖沙嘴廣東道及海旁一帶巡遊兼影相。一班車友兄弟包括方中信和吳家樂等亦駕駛電單車浩浩蕩蕩出發。呢隊兄弟車團真係夠盛大，合共有4架三輪電單車、5架普通電單車，合共9架，長長久久好意頭。
不過出巡嗰陣，一對新人可能驚整亂頭髮，所以唔戴頭盔。咁喺香港揸電單車唔戴頭盔係咪犯法呢？方中Sir就話，如果係揸三輪電單車，就唔使戴頭盔喎。
另外，夜晚擺酒嗰陣，除邵美琪同男友施祖男十指緊扣到場外，方中信都同莫可欣結伴前來。對於鞋底甩膠，佢話﹕「原本好型，依家畀朋友笑到嘴歪，仲要影我相。」
令人羨慕﹗
方中信話揸三輪電單車唔使戴頭盔，不過都要小心啲﹗
型過拍電影﹗
吳家樂
方中信本來都好型……只要佢對鞋唔甩底的話。
祝一對新人永遠幸福快樂﹗
【黃長興結婚】邵美琪破天荒 拖實男友現身
黃長興去年與拍拖三年嘅圈外富家女Peggy，喺法國波爾多紅酒城堡舉行婚禮，今日再於洲際酒店筵開35圍補擺喜酒，蕭正楠、袁偉豪、王浩信等做兄弟，弟弟黃長發則做伴郎，胡楓、陳志雲、洪天明、鄧梓峰、陳自瑤、陳敏之、麥家琪同老公等齊齊到賀，最特別係邵美琪與男友施祖男破天荒十指緊扣到場，是否好事近呢？
嘩嘩嘩﹗終於都肯公開喇﹗
大方企定定，任影唔嬲。
邵美琪，一定要幸福呀﹗希望快啲輪到你結婚啦﹗
梁琤
陳自瑤。點解一個人？因為老公王浩信去咗做兄弟。
修哥胡楓
陳志雲
洪天明呢個pose，似唔似摸緊鄧梓峰pat pat？
陳志雲展示同一對新人合照。
麥長青
方中信今午對鞋甩咗膠底，俾人笑到面黃。依家急急換過另一對鞋。
胡定欣收起性感到場。
陳敏之同Peggy
陳敏之同一對新人;
麥家琪
添叔李添勝