鄧麗欣(Stephy)今日下晝出席願望成真基金15周年活動，原來8年前Stephy就為基金同一位患癌歌迷見面，今日呢位已經康復嘅歌迷仲同Stephy一齊上台分享，Stephy仲送禮物比對方。Stephy又話將會推出慈善相展，笑言：「同寫真唔同，未必係靚相，不過有意思嘅。」

另外，Stephy嘅媽咪前日突然中風，右邊身郁唔到，搞到佢鬼咁擔心，好在鄧媽媽冇乜大礙，不過依家仲留院休養，問到可會盡快結婚幫媽咪圓夢，Stephy話媽咪夢想係旅行，一好返就會一家人齊齊去旅行。希望鄧媽媽快啲康復出院啦。

Stephy媽媽突然中風，好彩依家冇乜事。

鄧麗欣同患癌歌迷一同上台分享。

呢位歌迷已經康復啦。


難掩倦容嘅Stephy今日出席活動時，透露母親(左圖)日前突然中風，幸無大礙，惟現在仍需留院。