馬浚偉今日下晝宣傳完新碟，之後返將軍澳電視廣播城拍新劇《守業者》，點知頭先拍嗰陣，俾持槍嘅對手轉身嗰陣、唔小心撞到個鼻，血流如注，馬上送往將軍澳醫院，照X光後，發現鼻骨有兩道裂痕，左眼角亦腫咗。

馬浚偉發言人接受本報電話訪問時話:「馬仔係拍劇受咗傷，已離開咗醫院喇。」至於馬仔本人就透過WhatsApp回覆本報話:「留院沒用，鼻骨裂咗，要休一休。」

馬浚偉與拍檔拍攝一場開槍戲時，對方一時甩手誤將道具槍飛撞向他臉部，他感到劇痛，要由監製梁材遠陪同往醫院求醫，照X光後認實鼻骨有兩道裂痕，左眼角亦腫起一大遍，醫生表示如果鼻骨未能自動縫合就要接受手術。而因為受傷關係，馬浚偉將停工休息數天。