馬國明謀朝篡位奸出癮 馬浚偉劇終人散down晒

馬國明奸得有道理

馬國明接連兩劇都演奸角,問他頻頻演奸角可有被貶之感?他說:「做咗忠咁多年,作為演員奸角仲好玩,簡直係求之不得!但覺得自己仲未夠奸,希望有套戲可以再奸啲,去得再盡,我唔介意繼續做奸角o架!」

向來踏實的馬國明,講到攞獎,也變得「現實」,他笑說:「恨攞獎o架!老實講,有獎做嘢叫價都高啲啦!不過如果有獎金,就情願揀獎金!」

談到今晚大結局的《紫禁驚雷》,馬國明最難忘是結尾在金鑾大殿的逼宮戲:「場戲有成四十幾頁紙,係拍戲以來最辛苦、最多對白嘅一場戲,足足拍咗三晚,嗰三日心情都好沉重,好難忘。」

馬國明恨攞獎,更坦言有獎項後,接工作叫價也高些。

馬國明恨攞獎,更坦言有獎項後,接工作叫價也高些。

馬國明

馬浚偉仇恨爆錶攬住「巴打」鬥悲慘

馬浚偉甚少演仇恨心極重的角色,最近終有機會一試,令他大感雀躍,還大讚與「巴打」(兄弟)馬國明演對手戲過癮,但片中兩人卻因決裂而落得悲慘下場。

馬浚偉擔正的古裝劇《紫禁驚雷》今晚播出大結局,他坦言怕結局播出後會感不捨,因今次飾演的聶多寶,可算是他從影以來仇恨心最重的角色,演繹上亦特別落足心機:「從未演過好似聶多寶呢種仇恨心咁重嘅角色,佢嘅變化要去到結局呢個禮拜先至出,為咗報仇,佢會變得好陰險,去到最尾幾集,仲同馬國明演嘅福全決裂,結果為呢兩個男人帶來一個好悲劇嘅結局,當中仲會有一個嚇人一跳嘅驚天大秘密,我好期待觀眾對結局嘅回響。」

同姓三分親

今次與馬國明合作,馬浚偉直指是一次難得的愉快經驗,他說:「今次拍攝時間短,個劇又係大型宮廷劇,所以都幾辛苦,但台前幕後個個都好畀心機,對手馬國明又係個好肯交流嘅演員,合作得好舒服,加上大家同姓,我講笑話我哋兩個Friend到好似兩兄弟咁!」

雖然劇集收視未見「標青」,但馬浚偉對結局篇有信心:「之前幾個禮拜嘅收視都係徘徊喺26、27點,不過八點半個時段,喺我哋個劇上之前收視都係偏低,我期待大結局會有好收視。」

演而優則做主持的馬浚偉,拍劇雖然辛苦,但亦從中找到樂趣。

演而優則做主持的馬浚偉,拍劇雖然辛苦,但亦從中找到樂趣。

演而優則做主持的馬浚偉,拍劇雖然辛苦,但亦從中找到樂趣。

馬浚偉首次演仇恨心極重的角色,有挑戰性。

馬浚偉首次演仇恨心極重的角色,有挑戰性。

享受演奸角被觀眾指罵 馬國明恨攞獎添身價

近期多在劇集中演出奸角的馬國明,將在新劇《On Call 36小時》中演回正派角色,他笑言拍攝初期自己也有點不慣,有感做忠的角色沒甚麼發揮機會,直言很享受演奸角被觀眾指罵。

在《紫禁驚雷》中飾演皇爺福全的馬國明,名副其實是一名大奸角,當中更帶點「鹹濕」、「猥瑣」,他說:「角色唔係奸,但只係各為其主,因為歷史好皇帝身邊都會有奸人,雖然故事是虛構,但人物是真實的。」

問到演多了奸角,會否怕被定型?馬國明說:「做反派都幾好玩,我自己就唔介意,雖然做忠的易討好觀眾,但行內人都知,奸角的發揮空間較大。」馬國明不介意繼續做奸角,因為可挑戰不同類型的角色,是作為演員的最大心願。

死記逾四十頁結局劇本

至於演過眾多奸角中,那一場戲最令馬國明難忘,他說:「就在《紫》劇的Ending,我未試過記40多頁紙的劇本,完全是一場戲過,結果拍足三晚廠,我、馬浚偉、陳國邦每人都要Solo一大段戲,當時自己的心情都好Heavy,因為對白好長,而且用詞好文謅謅,唔似得拍時裝劇講對白容易,其實我私底下問過編劇,好多詞語連佢哋都唔知點解,惟有靠自己死記。」成功轉型做奸角兼被觀眾受落,對年底頒獎禮的獎項有否增添信心時,馬國明說:「信心係人哋講,好老實我都希望有獎攞,你問我恨唔恨?我恨㗎!有獎出去叫價都叫高啲,我份人好實際,獎金畀獎座重要。」近年無綫很多小生都轉身跳進電影大銀幕發展,馬國明則不急於拍電影,靜待公司的安排,他反而望能北上拍大陸劇,他說:「好似Bosco(黃宗澤)今年可以返大陸拍劇,自己都好羨慕,本來上年都有機會,可惜就度唔到檔期,惟有寄望下年再有機會啦!」

馬仔:結局緊張挑戰大

由雙馬擔大旗的《紫禁驚雷》今晚播出大結局,該劇以馬國明與馬浚偉為骨幹,講述兩兄弟與康熙皇帝(陳國邦飾)之間的恩怨情仇,周一收視曾高達33點,與《潛行追擊》平起平坐,眾主角對結局寄望甚殷,令觀眾出人意表的劇情期望會創出佳績。

馬仔相信,結局篇平均一定過30點,但收視多少就隨緣。他說:「個結局好緊張,會睇到我陰險嘅一面,正派好難做,對我係一個好大嘅挑戰。」他指聶多寶該角色是從視最辛苦的一個,有很多打戲。之前一直都在隱藏自己,演技方面只能收斂,直至養父、養母去世才崩潰,他很滿意自己的表現,結局篇是最難拍的,單是一場戲已有40多頁對白,自己亦有很大的發揮。

陳國邦演康熙自由度大

陳國邦很喜歡康熙這個角色,希望讓觀眾看到不同的演技,其實扮皇帝有很多不同的規範,有些行為、動作不能做,但監製給予很大的自由度。他認為該以古代歷史為題,要對歷史有興趣的觀眾才懂得欣賞,不過該劇劇本有板有眼,若有更多資深演員會更好。他很佩服程可為,對方在接受訪問時承認自己演技不足,效果好是剪接之故,自己可以更好些,實在值得後輩學習。

在戲中演端敏格格的李詩韻開心地說:「過30點已經好好啦!依家出咗街多咗人叫我格格,又成日搵我合照,已經心滿意足啦!」她覺得拍劇最重要的是劇本出色,自己在劇中情緒起伏都甚大,甚有發揮。


本文鏈接:馬國明謀朝篡位奸出癮 馬浚偉劇終人散down晒