傳朱慧敏奉子成婚 年尾嫁「撻沙哥」Eddie

無綫藝人朱慧敏三年前撻着 EO2成員 Eddie(彭懷安),但二人一直不認戀情。隨着近月女方入股男友西環餐廳,戀人身份正式浮面。

雖然 Eddie先後被指背女友偷食,朱慧敏依然百分百撐男友:「佢係好人嚟!」風雨過後有彩虹,記者收到消息,上月 Eddie曾陪朱慧敏到中環睇婦產科。朱慧敏近兩次出席活動,記者亦發現她腹部明顯隆起。據知二人鐵定年尾在港擺酒結婚。對於有望雙喜臨門,朱慧敏坦言:「最近好多人問過我。」 33歲的她,經歷多次感情跌宕,終於上岸。

上月睇婦科 朱慧敏光頭Eddie年尾結婚
上周六( 31日),朱慧敏和 Eddie在舖頭外接受訪問時,一聽記者問有關大肚和年尾結婚時,朱即掩着肚笑說:「吓!唔知點答你喎!其實呢排都好多人問我!」而身旁 Eddie亦加把口:「係……有好事。」

朱慧敏早年事業運一般,難得遇上《愛·回家》正派律師角色,日日開工,月月爆騷。可惜半年前劇集換血,朱最終冇得留低。與無綫還有兩年多合約的她,要為自己諗出路,索性跟男友學做生意。

腰圓躉巨

上月睇婦科 朱慧敏光頭Eddie年尾結婚

以往屬纖瘦型的朱慧敏,近月身形如吹脹氣球般。當日從她背後看,腰圓躉更圓。穿上平底鞋的她,更一度叉腰,孕味甚濃!

新舖入股 30萬

適逢 Eddie在三年前已轉型飲食業投資華星冰室做老闆,撈得唔錯,朱慧敏眼見飲食業有可為,便放下身段,開始落男友旺角分店幫手,做到上晒癮。三個月前 Eddie擴充第五間分店,在西環開高檔版茶餐廳「華星客棧」,今次他更讓女友入股 30萬做股東,實行夫妻檔拍住上。

知情人透露:「其實 Eddie一直都唔定性,直至做咗老闆個人有咗目標。 Queenie(朱慧敏)諗嘢較成熟,一凹一凸互補不足。」

兩年前,有指 Eddie背着朱慧敏拖長髮索女,至日前, Eddie再被網友拍到在夜店與韓妹把酒談心,但朱對男友卻投以信任一票:「 Eddie嗰晚出去我都知,好明顯 Eddie係介紹緊舖頭菜式。」

求教老友生仔經

據知, Eddie早於去年平安夜當晚向朱慧敏求婚成功,二人已有共識在今年年尾拉埋天窗,不過最驚喜的是有望「雙喜臨門」。知情人說:「早排我哋見 Queenie心不在焉,問佢咩事?佢話月事仲未嚟!我哋話唔緊要啦,開心事,反正佢同 Eddie都打算結婚,我咪介紹咗個中環婦產科佢睇。上個月佢上去睇醫生, Eddie都有陪佢。早排我哋去阿 Mo(陳豪)屋企聚會, Queenie係咁捉住 Aimee(陳茵媺)問佢佗第二胎有乜感覺,又問佢生兩個驚唔驚修唔到身,其實大家都估到,只係冇出聲。」朱慧敏一心一意下嫁 Eddie,難怪上月中 Eddie被網友踢爆夜店密會韓妹,朱慧敏亦挺身撐男友。

上月睇婦科 朱慧敏光頭Eddie年尾結婚
1月 26日凸肚孕婦 look
上周一( 26日),朱慧敏出席活動時,所穿白色兩件頭 A字裙,似十足孕婦裙,而其腹部亦明顯隆起。
上月睇婦科 朱慧敏光頭Eddie年尾結婚
1月 13日刻意遮肚
上月中,華星客棧正式試業,朱好友陳君宜(左一)和鄺美雲到客棧幫襯。影相時肚凸凸的朱慧敏,即醒目拉埋件外套遮實。
上月睇婦科 朱慧敏光頭Eddie年尾結婚
周三( 4日),記者問朱有否計劃生 BB,利嘉兒(左)立即替老死解圍說:「自己未生 B都係因為想等埋朱慧敏,兩個人一齊大肚好幸福。」其後利嘉兒更摸住朱慧敏的肚影相,似有所暗示。

肚凸現形

其實朱慧敏有孕絕對有跡可尋,一直瘦底的她,上周一( 26日)出席美容活動時,穿一條兩件頭白色 A字裙,腹部明顯隆起。另外記者在網上發現兩張她在華星客棧門外與鄺美雲、快為人母的陳君宜等名人賓客的合照。照片中只見她肚凸凸又刻意以手遮肚,孕味甚濃。

上周五( 30日),朱慧敏偕 Eddie陪男友約 3歲的外甥仔到又一城剪頭髮,三人在商場手拖手,似足一家三口,場面十分溫馨。其間朱慧敏一聲「肚餓」, Eddie就做跑腿買 pizza俾準老婆吃,都算體貼。之後三人到 Polo童裝店幫外甥仔置裝。朱慧敏亦媽咪上身,不時主動替小朋友度身及揀款式。她又自動波狂睇 BB衫,種種跡象顯示,她大有機會將為人母。

《回家》 friend開心

三個月前,朱慧敏被消失處境劇《愛·回家》,雖然當時有傳她因為麻煩被飛,但她昔日劇中拍檔得悉她雙喜臨門,卻表現興奮雀躍。

劉丹:請我飲實到!
嘩!真係?咁真係恭喜晒,如果佢請我飲一定到。

周聰:佢冇同我講!
早幾日喺藝員部撞到佢,都冇同我講,一定要恭喜佢,人又靚,心地又善良,好開心呀!你同我一再恭喜佢啦!

蔣家旻:佢哋好襯!
好開心呀,佢哋好襯,好夾,祝福佢。

婚後住老婆物業

翌日,記者到茶餐廳向二人求證有孕一事,朱慧敏頗避忌:「唉吔!我唔知點答你哋喎,其實呢排好多人問我!」之後她化身小女人留俾男友代答, Eddie則說「係……有好事。」記者問他女友是否有咗,不公開是否怕胎兒「小器」?他即對朱慧敏說:「都叫咗你遮吓個肚啦!」此時,朱慧敏作狀揼男友,兩人打情罵俏,十分寃氣。記者再追問二人婚期, Eddie即猶豫片刻兼大耍太極:「有計劃嘅,五年啦!」雖然二人沒有承認,但當事人笑到含晒春咁款,擺明好事近。

未來奶奶催生

上周五( 30日),二人帶着 Eddie的姨甥仔到又一城行街,儼如一家三口聚天倫。據知朱未來奶奶經常催他們結婚生 B,而朱亦明言:「我同 Eddie都好鍾意小朋友。」

掃兩袋 B衫

三人最後入了 Polo童裝店,而朱慧敏在短短半小時內便極速掃了兩大袋 B仔衫給 Eddie姨甥仔。若然將來二人結晶品出世,朱肯定更瘋狂。

飛出處境劇

朱慧敏在《愛·回家》原本擔正做女主角,事業一度有起色,可惜三個月前遭飛出《愛》劇,由高海寧取代。自朱走後,《愛》劇收視亦直線插水,更試過跌到 17點。

撻沙哥響朵

Eddie自 EO2解散後,開始在無綫拍劇,直至去年《使徒行者》中飾演黑社會大佬撻沙哥終響朵,劇集長拍長有。

11月行禮

據知二人已着手籌備年尾 11月嘅婚禮,預計擺數十圍。記者收到消息,二人已秘密向北角海逸酒店及紅磡都會海逸酒店問過價,亦等待 Eddie媽咪替二人擇日。由於 Eddie相識滿天下,故已開始擬定賓客名單,以免掛一漏萬。而基於 Eddie所有「身家」已放晒落舖頭,據知本身與母親同住青衣的他,婚後會進駐朱慧敏前年以 490萬買入的清水灣半島物業。老婆講心唔講金, Eddie安樂晒!

孖住看檔

自從入股投資茶餐廳,朱慧敏幾乎日日到西環新舖打躉。當日她更孖實男友在門外賣包,又做生招牌與粉絲食客影相,忙到癲。


新舖走中檔

「華星冰室」大股東簡文滌早年曾任華星唱片高層,五年前開張的灣仔克街總店是他與圈外友人合資,但有傳陳奕迅低調入股任小股東。而 11年開始,華星先後再在筲箕灣、旺角及澳門開分店, Eddie應老友兼前經理人文滌邀入股數十萬。近月再下一城,位於西環的新店「華星客棧」走中檔路線,日間繼續做茶餐廳,晚市則改做小菜,更高薪挖名人食府農圃飯店前師傅 Eric掌廚。名菜如鴛鴦糯米釀雞翼,售$58隻、醋香豬扒$108、杏汁白肺湯$58等,人均消費逾$200。

朱慧敏默認:遲啲咪知

朱慧敏與男友Eddie昨晚一齊現身賀歲片《浮華宴》首映,傳出二人今年內會結婚,更指朱慧敏去睇婦科疑似有喜,對此,兩人大賣關子,朱慧敏只表示:「我年年都有去做身體檢查,不過頭先確係收到好多朋友嘅祝福,但都恭喜咗謝天華先啦!(有咗?)你估吓,遲啲咪知,男朋友以前有六舊腹肌,而家就好似有六個月身孕,我哋有計劃,大家都喜歡小朋友。」

评论已关闭