忽然一周 775期

心姐同老公陳啟亨喺街邊企足大半個鐘，拖車先嚟到。

媽咪姐手帳

心姐坐拖車

2010年06月04日

依家忙住拍《巾幗梟雄 2義海豪情》嘅謝雪心，難得忙裏偷閒，同老公行街 shopping，點知最後變咗遊拖車河，認真掃興！

5月 18日，心姐孖住老公去銅鑼灣 shopping，點知去到利園附近，心姐架 Benz突然死火，停喺路邊大半個鐘，心姐兩公婆搞極都唔掂，最後只好叫拖車幫手。搞完一大輪，心姐同老公仲上埋拖車，遊車河過番土瓜灣嘅車房。只見喺拖車上嘅心姐，全程發呆，冇晒心機咁款。到咗車房冇耐，珈穎同男友到場接心姐走人，就咁一日假期冇咗。

拍戲無數嘅心姐，見慣大場面，不過上拖車真係冇乜幾何。佢上車嗰陣，老公全程捉到實，鬼咁細心。

搞足大半日，又要跟車過返九龍土瓜灣嘅車房。難得一日假期就咁嘥咗，難怪心姐面無表情。

乖女珈穎同助導男友阿 Joe（白 T恤）拿拿臨趕到車房接阿媽同阿爸。個女咁乖，心姐條氣應該順番晒啦。

無獨有偶， 4月嗰陣，陳曼娜架平治又係喺差唔多地方跪低，之後娜姐同樣好辛苦先擒上拖車返去車房。

等外賣期間，阿佘成個瞓唔醒、冇厘精神咁款。

媽咪姐手帳

阿佘停電

2010年06月04日

佘詩曼出道以來，一直被冠以「姣佘」嘅花名，緋聞一直沒完沒了。不過自從同鄭嘉穎斷纜之後，大半年來都冇新戀情傳出。嗱，佢係咪修心養性就唔知，但單憑外表睇嚟，佢就真係停電。

早幾晚，阿佘揸住佢部新 Benz，單拖喺銅鑼灣謝斐道嘅「義順」買糖水。當時佢一身 MK look面青青冇厘神氣再加副粗框眼鏡，全程冇人發現佢！咁 dry嘅款，一碗糖水唔夠滋潤喎！

可能阿佘冇化妝兼衣着普通，大搖大擺喺街行，居然無人發現。藝人化妝同唔化妝，原來真係兩個樣。

糖水到手，阿佘即刻颷上車，打道回府。