驚爆姊弟情 34歲陳山聰戀46歲熟女

忽然一周 776期

驚爆姊弟情 34歲陳山聰戀46歲熟女

接女友去 BBQ
早前本刊影到着住白背心嘅陳山聰,駕車到九龍城接女友 Ponny, Ponny當時一頭金毛短髮,全身黑衣打扮,相當新潮。陳山聰與 Ponny並冇拖手,非常避忌。

娛樂頂點

驚爆姊弟情  34歲陳山聰戀 46歲熟女

2010年06月11日

呢期陳山聰爆紅,處境喜劇《女王辦公室》見到佢,啱啱播完嘅《掌上明珠》又有佢份。喺娛樂圈撈咗十幾年嘅佢,早前更有機會做婚紗代言人,拍住苟芸慧去新加坡影婚紗相。
陳山聰事業起錨,連帶拍拖十年嘅時裝設計師女友 Ponny Yeung亦唔再隱形。早前本刊拍得二人約會友人,當時 Ponny打扮新潮,染有一頭金髮,同向來走在潮流尖端嘅陳山聰襯到絕。不過驚人的是,原來 Ponny已經 46歲,比 34歲的陳山聰足足大 12年!
姊弟戀長達 10年,兩人如同老夫老妻,陳山聰仲話搏殺多兩年就結婚,不過到時 Ponny已經年屆 48歲,唔怪得山聰表明婚後唔生仔啦!

陳山聰在《女王辦公室》中飾演的辦公室助理雷宇,因為集集出動私伙潮服而上位,仲俾網友封佢做「潮山聰」。事實上佢唔止打扮潮,就連拍拖 10年的同居女友 Ponny Yeung都潮過人。早前本刊拍得陳山聰帶女友和朋友燒嘢食,當時 Ponny一頭金短髮,一身黑衣打扮,甚有東瀛味道,直至最近 Ponny才染回啡黑髮,和陳山聰到圓方的貴價日本潮流家品店 BALS TOKOYO為新居掃貨。從外表看來 Ponny非常後生,與陳山聰非常合襯,想不到她已 46歲!


買涼茶 BBQbr之後陳山聰買了兩杯涼茶, Ponny則在車上等候,之二人驅車到石澳會合友人 BBQ。
買涼茶 BBQ
之後陳山聰買了兩杯涼茶, Ponny則在車上等候,之二人驅車到石澳會合友人 BBQ。

山聰負責起爐br去到石澳 BBQ的指定區域,陳山聰二話不說攞炭起爐, Ponny與其他友人就企定定精神上支持男友。
山聰負責起爐
去到石澳 BBQ的指定區域,陳山聰二話不說攞炭起爐, Ponny與其他友人就企定定精神上支持男友。

購物狂一拍即合

據知情人士透露,陳山聰與 Ponny10年前開始這段姊弟戀,「山聰同 Ponny10年前喺朋友聚會認識,好快就一齊。當時山聰得 24歲,仲係 o靚仔一名,而 Ponny打扮好潮,份人好 nice兼玩得,唔講都唔知佢當時就快 4張嘢!山聰知道 Ponny真實年齡都嚇咗一跳,不過佢唔介意個女仔大過佢,佢哋兩個都係購物狂,唔貴唔新嘅衫唔買,一年仲去日本潮聖幾次,好鬼夾!」
陳山聰與 Ponny除了同愛潮服,兩人又曾從事時裝設計,所以完全唔會有代溝,早年山聰更與女友於尖沙嘴開時裝店。知情人士說:「佢哋拍拖冇耐就開時裝店,不過山聰始終覺得自己喺娛樂圈仲有得發圍,而時裝店又賺唔到錢,最後佢執咗間舖簽番 TVB博一博。最初幾年佢做埋啲二打六角色,月薪得 6千咁大把,嗰幾年山聰好失意,但 Ponny都對佢不離不棄,真係好難得。不過山聰屋企有錢,而 Ponny亦有米,所以女方唔使做,都可以同山聰喪買名牌。」

恩愛掃潮物br6月 4日,陳山聰與女友 Ponny到圓方為新居掃家品,兩人行街時甚有默契,人多時更會前後腳。其間陳山聰更叫 Ponny為他影相,即時放上微博。
恩愛掃潮物
6月 4日,陳山聰與女友 Ponny到圓方為新居掃家品,兩人行街時甚有默契,人多時更會前後腳。其間陳山聰更叫 Ponny為他影相,即時放上微博。


前陳山聰趁《女王辦公室》有空檔,與女友 Ponny飛咗去東京入貨,每個月 9成人工都係買潮物,唔怪得佢冇錢剩啦!
前陳山聰趁《女王辦公室》有空檔,與女友 Ponny飛咗去東京入貨,每個月 9成人工都係買潮物,唔怪得佢冇錢剩啦!

買樓屋企俾首期

《女王辦公室》中陳山聰飾演嘅雷宇唔使養家,同現實嘅佢好似,唔同嘅係劇情講佢同長腳蟹呂慧儀奉子成婚,私底下佢計劃結婚但唔生仔。
《女王辦公室》中陳山聰飾演嘅雷宇唔使養家,同現實嘅佢好似,唔同嘅係劇情講佢同長腳蟹呂慧儀奉子成婚,私底下佢計劃結婚但唔生仔。

據知陳山聰父親在澳門經營運輸生意,港澳兩地都有不少物業,山聰 4個哥哥都繼承父業賺大錢,惟獨山聰對做生意冇興趣,甘願做小演員,雖然搵得唔多,但有家人撐腰,亦唔使憂茶憂米。不過最近他開始醒覺,公開表示搏殺多兩年儲夠錢就會同 Ponny結婚,仲講到明唔想使屋企錢,不過最近榮升業主的他原來全靠二哥幫忙。
陳山聰本來與 Ponny租住九龍灣麗晶花園的五百多呎單位,最近為方便返將軍澳電視城開工,買入清水灣半島一個約值 300萬單位,而 90萬首期由二哥支付,陳山聰負責供樓。終於有個屬於自己的家,陳山聰下一步是計劃結婚,至於生仔,他曾公開說:「女朋友唔鍾意小朋友,我一定唔會生,你話我大唔透又好、唔肯承擔責任都好啦!我真係未玩夠。」
對於女友大自己十二年,陳山聰只透過經理人表示:「一切私人嘢唔答。」玩姊弟戀啫,又唔係做壞事,唔使咁避忌喎!

玩完識返屋企

早前記者見陳山聰去尖沙嘴夜蒲,有揸車嘅佢飲完酒最後搭的士離開,返回當時與女友同住的九龍灣麗晶花園。


微博眾人阿嫂

陳山聰係潮人,所以微博面世冇耐佢已經有 account,反而潮女友 Ponny最近先加入。記者發現 Ponny與陳山聰的圈中好友都非常熟絡,陳敏之更叫她做阿嫂。 46歲的 Ponny果然高人一等。



陳敏之叫佢阿嫂
陳敏之叫佢阿嫂

同伍詠薇好熟
同伍詠薇好熟

圈中多姊弟戀
白韻琴謝偉俊愛得赤裸


年屆 66歲嘅白韻琴, 20年前戀上比她年輕 15年的「才俊」謝偉俊,兩人經歷過女方入獄、男方被律師會除牌等大風浪都恩愛如昔,一直被視為姊弟戀嘅典範。不過去年阿 Paul被揭發與青島姑娘徐程程( Michelle)互通電郵暗生情愫,白韻琴即自爆兩人已分居多月,其後二人火速和好,更被報章揭發兩人已於美國拉斯維加斯註冊結婚。

Karen黃長發短線發展

《 Face》圖片
《 Face》圖片

去年年初 24歲港男冠軍黃長發搭上 40歲鞋王富商三奶李姿霆( Karen),成為當時城中熱話,兩人更不理外界批評,經常高調出巡晒恩愛,不過戀情不到半年便玩完,事後 Karen被鞋王收車收樓,人財兩失。

王菲謝霆鋒轟動一時

《壹週刊》圖片
《壹週刊》圖片

2000年王菲與年紀相差 11年嘅謝霆鋒歷史性「十指緊扣」,震驚娛圈。兩人拍拖 3年,直到 03年兩人分別搭上現任老公老婆(李亞鵬及張栢芝),姊弟戀才正式玩完。

陳山聰否認女友是「中女」
【21:47】2010年06月10日
陳山聰、郭政鴻和胡諾在節目中扮初出道的自己,陳山聰出動十四年前拍MV的服裝,還表示衣服有點鬆,笑指自己比當年瘦。談到其女友被指是中女,陳山聰即維護女友表示:「唔係,鍾意點講就點講啦,我地年紀差唔多。」陳山聰又稱現時不想提結婚,以賺錢為先。至於曾參加第四屆新秀歌唱比賽的郭政鴻,則出動當年的桃紅色西裝「戰衣」獻唱,顏色搶爆!