忽然一周 776期
人有三急，楊怡同助手行去附近油站借廁所，有遮齊齊擔。
媽咪姐手帳
楊怡幫助手擔遮
2010年06月11日
恭喜恭喜，楊怡最近真係喜事重重。繼日前佢家姐楊卓娜喺尖沙嘴嘅時裝店開張後，佢有份主演嘅《談情說案》收視節節上升，最高達 36點。隨住佘詩曼減產導致人氣下滑，楊怡絕對有機會取而代之成為一姐。
早幾晚，楊怡為新劇《不速之約》喺北角開夜班。當晚氣溫忽然下降，加上微風細雨，都幾凍下。着唔夠衫凍到縮下縮下嘅楊怡，人有三急，同助手行成 5分鐘去附近嘅油站借廁所，其間佢全程擔遮之餘，仲讓助手去先，自己就企喺廁所出面等。咁冇架子，真係好難得。
助手去廁所時，楊怡企喺廁所外等。
同馮素波排戲時陣陣寒風，楊怡凍到面容扭曲。
當晚有份演出嘅黃淑儀，因為大風得滯，要匿入電話亭避風。
楊娜（右一）時裝店開幕，楊怡（右三）碌盡人情卡，請嚟好姊妹（左起）姚嘉妮、伍詠薇同陳敏之剪綵。