煤礦富商首曝光 楊思琦年尾奉子閃婚

忽然1周 第832期

娛一叮

煤礦富商首曝光 楊思琦年尾奉子閃婚

2011年07月08日

楊思琦宣布與李泳豪分手兩日,旋即被踢爆一腳踏兩船,暗撻北京富商 Andy Ng,更懷孕兩個月。分手後,儘管楊思琦仍發訊息癡纏舊愛李泳豪,指「我依然好愛你……希望你原諒,你仲愛唔愛我?」但另一邊廂,她已經向無綫請定假,密謀到北京養胎,更部署年尾與 Andy閃婚。

其實,李泳豪這頂綠帽已經戴足兩年多。表面清純乖女的楊思琦, 08年到北京做奧運搭上新歡後,已經瞞住男友,不時玩失蹤返大陸陪新歡。近日,本刊從微博中,發現一張楊思琦母女與 Andy在 4月份於南京名店掃貨的照片,好不風流快活。

忽然1周 第832期:煤礦富商首曝光 楊思琦年尾奉子閃婚
當日所見,楊思琦不但面容憔悴,更瘦了一圈,笑容亦十分牽強。

強調「愛情無錯對」的楊思琦,對於懷孕傳聞,一直避而不談。不過,她其實已暗中部署,向無綫請了九個月假,密謀赴北京養胎,更打算與新歡 Andy在十月拉埋天窗。

楊思琦今年的工作不算多,除了少量的登台及剪綵外,手上只有一個節目《寵愛有加》。思琦為了安心養胎,亦已做好心理準備,暫停工作一段時間。據知一個月前,楊思琦證實懷孕後, Andy即逼令楊思琦與李泳豪攤牌,並承諾會與她結婚,游說她將孩子生下來。

忽然1周 第832期:煤礦富商首曝光 楊思琦年尾奉子閃婚
上周四( 6月 30日),楊思琦到尖沙嘴做 facial,沿途對記者提問一概不回應。

忽然1周 第832期:煤礦富商首曝光 楊思琦年尾奉子閃婚
佢幸福就得啦!
對於楊思琦於《東張西望》訪問中暗指李泳豪放料一事,李泳豪嘆了口氣說:「依家我只想件事快啲平息,我冇嘢好講,總之佢幸福就得啦!」
忽然1周 第832期:煤礦富商首曝光 楊思琦年尾奉子閃婚
拋棄九年情的楊思琦,在微博中節錄了一段「哲言心語」,來表達自己對舊情難捨難離的心情。

忽然1周 第832期:煤礦富商首曝光 楊思琦年尾奉子閃婚

忽然1周 第832期:煤礦富商首曝光 楊思琦年尾奉子閃婚
Andy微博反擊

忽然1周 第832期:煤礦富商首曝光 楊思琦年尾奉子閃婚
5月 1日,一個在南京名店做 sales的網友,上載了一張楊思琦母女與 Andy在德基廣場舖頭購物的照片上微博,更大讚楊思琦真人比上鏡靚。

楊思琦眼淚騷

自從傳大肚後,楊思琦龜縮了近一星期,周三晚終於出現無綫《東張西望》訪問。席間,楊思琦談及九年情時,淚如泉湧。對於盛傳有富商新歡及大肚時,她問非所答,不斷遊花園,未肯正面回應,更暗指李泳豪放料。

楊思琦回應矛盾重重,一邊話放唔低舊情,一邊又話好心急搵佬生仔。而她以女朋友身份,出席李泳豪生日會的解釋亦極為牽強,但重點是猛兜猛兜,卻終於肯認要找一個「照顧到自己」的男友。其實愛麵包無罪,認咪得囉!以下為訪問重點節錄︰

講分手時間
「其實分手是上年我哋意見有分歧,感情上出現問題,去到今年二、三月正式搬離,冇同佢一齊住……搬嘅時候佢屋企人都在場,知道咩事……」

講分手原因
「以前同依家,喺思想上有唔同,成熟咗……我自己真係好想搵一個真真正正可以照顧到我嘅人……」

去泳豪生日會
「作為朋友,我都唔想喺人哋開心嘅日子唔出現……佢打電話俾我,話好多朋友等緊你,你快啲嚟啦……但冇諗過去到時有好多傳媒喺度。(當時係咪講過會結婚?)當時我都好矛盾,冇諗過記者會咁問,佢話就快,我都好愕然,因為我哋冇咁嘅打算……我話係三、四年之後嘅事,其實係唔想講我哋已經分開咗……」

點解自爆分手
「活動前同佢(李泳豪)聯絡過,話我會同傳媒朋友講我哋嘅事,可能佢未必接受到。第二日活動前,我未宣布已經有人跟住我……佢哋知得好快,所以佢話唔知我有咁嘅決定……其實大家係有共識……」

係咪有新歡?
「我心情好亂,都未放得低……我諗我係時候留意身邊嘅朋友,因為一直關心我嘅人好多,希望我可以快啲搵到個啱自己,照顧到自己嘅合適對象。」

係咪懷孕兩月
「唉!(唞大氣)其實自己年紀真係唔細, 33歲嘞!開始見到屋企人年長到 60歲,好想快啲有自己屋企,有小朋友等佢哋可以抱孫。(懷孕事情係冇嘅?)係!(但你好希望組織家庭?)係呀!希望快啲!」

忽然1周 第832期:煤礦富商首曝光 楊思琦年尾奉子閃婚
主持問思琦今年 5月為何會出席李泳豪生日宴,她神情尷尬,眼望下面解釋:「是泳豪打電話給我……」

忽然1周 第832期:煤礦富商首曝光 楊思琦年尾奉子閃婚
7月 6日晚,楊思琦接受《東張西望》訪問,談到與李泳豪的一段情,泣不成聲,淚如泉湧。

情陷四角戀

「其實, Andy同思琦呢段關係之所以可以拖咁耐。因為 Andy都有個正印女友跟咗佢好耐,不過既然思琦已經有咗肚,個男人又好恨生仔,咁咪將錯就錯囉!依家 Andy喺微博俾人鬧都好嬲 o架,佢都想快啲公開同思琦嘅關係,但思琦就想低調啲,叫佢唔好出聲。」知情者說。

與此同時, Andy的女友上周亦透過微博,爆粗大鬧楊思琦搶人男友,又話︰「同佢( Andy)一齊咁多年都生唔到,咁快就同第二個女人有咗。」四角關係錯綜複雜。而連日來被網友鬧爆的 Andy,終於沉不住氣,周二( 7月 5日)在微博發功留言,暗寸有人歪曲事實,指「所有人會同情弱者(李泳豪)」,並謂︰「當事實公布大眾的時候,再評論也不為過。」似有意想爆大鑊。

楊思琦多年來沒有緋聞,只是守在大茄男友李泳豪身邊,外表清純乖巧。不過,這兩年為了一腳踏兩船,楊思琦不惜在男友面前大話連篇。 08年她赴北京主持奧運開始,已經開始蠱惑。

「其實兩年前思琦已開始玩失蹤,豪仔(李泳豪)經常好心急咁打電話去摷女友,咁思琦就成日作啲故仔嚟呃佢,一時又話朋友喺外地有意外,一時又話突然接到 order返大陸做嘢,總之大話層出不窮。豪仔都呻過覺得唔妥,但佢太愛女友,次次嗌完交就算。」

據知三個月前,思琦試過粒聲唔出失蹤咗個幾禮拜,李泳豪還嬲到嗌分手。楊思琦從未見過男友咁㷫,於是就聲淚俱下求對方原諒,更誓神劈願下不為例。不過,之後情況更是變本加厲,楊思琦更以返工方便為由,搬到新買的清水灣半島居住,一星期才返回兩人九龍塘愛巢一至兩天。」

事實上,楊思琦多年來都受到母親的壓力,皆因母親對月入不及女兒的準女婿李泳豪甚為不滿。所以,自從楊思琦認識做煤炭生意的 Andy後,楊媽媽亦在旁推波助瀾。今年 4月,楊思琦母女更遠赴南京與 Andy遊玩及到名店掃貨,楊思琦更被網友拍下三人照片,看楊媽媽的表情,似乎對 Andy十分滿意。

據知 Andy是 08年北京奧運贊助商之一,所以他與不少運動員十分熟稔。近日,不少國家隊的運動員,對於他與楊思琦的關係亦瞭如指掌。有跳水隊的隊員在 Andy微博留言,叫他公開與楊思琦的合照,不過,這段留言卻話咁快被他剷走。

忽然1周 第832期:煤礦富商首曝光 楊思琦年尾奉子閃婚
打拳發洩
休息時,教練與李泳豪站在一旁吹水。

忽然1周 第832期:煤礦富商首曝光 楊思琦年尾奉子閃婚
7月 5日晚,李泳豪到拳館練拳。他出拳嘭嘭聲,似是要將心中屈氣借拳頭發洩出來。

忽然1周 第832期:煤礦富商首曝光 楊思琦年尾奉子閃婚
Andy成眾矢之的
Andy在微博向李泳豪示威後,不少網友插爆佢用手段搞大思琦個肚。
爆 Andy趕走正印
另外,有網友寸爆 Andy不但搶人女友,連老婆都趕走。

忽然1周 第832期:煤礦富商首曝光 楊思琦年尾奉子閃婚
連日來,李泳豪老竇李家鼎及哥哥泳漢為泳豪抱不平。泳漢不滿楊思琦分手後繼續留言俾細佬話愛佢,他說:「唔想呢啲留言再刺激細佬,佢已經好傷!」

忽然1周 第832期:煤礦富商首曝光 楊思琦年尾奉子閃婚
Andy疑似女友爆粗
楊思琦未宣布分手前一天,有個疑似 Andy女友,在微博鬧思琦( TM即他媽的),但未夠半日,言論已被剷走。


楊思琦指李泳豪生日那晚,是男方打電話叫佢才到場,但佢帶埋蛋糕來祝賀,又同李泳豪攬住鬼咁 sweet,真是好難相信當時佢哋已分手。

北京安胎擺酒

「思琦同 Andy嘅婚禮,暫定喺北京舉行,因為思琦遲啲會喺北京安胎,避開香港傳媒。而 Andy有頭有面,加上同好多運動員好熟,所以閒閒哋要擺近八十圍。有啲運動員已經收到呢個喜訊,但婚禮嘅細節就好保密,以免外洩。」

楊思琦宣布「分訊」後,話咁快就結婚,李泳豪心情難免跌落谷底。本周二( 5日),他更到荔枝角打拳發洩,記者上前問及他有關楊思琦與 Andy Ng的事,豪仔一臉無奈,不停耍手、合十,擰擰頭說:「我唔講住!」

問到係咪借打拳忘記傷痛?他說︰「唔好咩都關嗰件事!我不嬲都有做運動,練拳係我興趣,賽車我都會繼續, 8月我仲要比賽,依家準備練車。」啱嘅,工作都係治情傷嘅良藥,冇咗女友,都係戮力銀實際!

網友踢爆思琦講大話

楊思琦《東張西望》訪問出街後,不少網友上網留言,其中有李泳豪好友留言踢爆楊思琦講大話。看來思琦的眼淚騷,博唔到大眾同情。

楊思琦奉子閃婚息影

據堪輿學家譚雲龍師傅指,楊思琦今年必定會奉子成婚,婚後更會息影:「從楊思琦嘅命格來看,佢係一個思想複雜、揸唔定主意嘅人。 08年至 11年,楊思琦會步入真正嘅結婚年,真命天子會出現,而今年佢天喜入命,有婚姻出現,加上流年大運、丙辰合入,子女星入命,會雙喜臨門。佢條命會奉子成婚,後運亦好好,嫁夫一定係有錢富商,運行到 65歲。婚後佢會息影,唔使做嘢,婚後亦會離開原居地。

「至於李泳豪 2016至 2017年先有真正姻緣,對象細過佢。今年佢害入夫妻宮,注定分手。佢 22歲開始行逆運,運程反覆, 2016年後先叫好番啲。」