獲康泰太子爺私有化 陳爽:佢幫我搭路轉行

忽然1周 第837期

娛一叮

獲康泰太子爺私有化 陳爽:佢幫我搭路轉行

2011年08月12日
陳爽( Sherry)係 07年國際中華小姐季軍,簽約無綫僅 4年,工作量厚過電話簿。不單止係TVB8嘅御用節目主持,就算廣東話麻麻亦有劇拍,比佢早入行嘅港姐華姐都冇佢咁好待遇。

兩個月前陳爽突然離開無綫,轉投香港航空做營業及市場部企業銷售經理,轉變咁大全因被人私有化。據知陳爽與康泰旅行社太子爺黃進達(Jason)關係密切,Jason更助陳爽轉工,唔使佢再做幕前拋頭露面。

日前陳爽向本刊直認Jason為佢搭路轉工,仲話同黃生兩父子有私交。不過,Jason老竇黃士心就強調:「我同佢(陳爽)唔熟,我個仔唔係同佢拍拖。」雖然神女有心,襄王亦有夢,但可惜最後難過老爺黃士心一關。

今年 27歲的陳爽,去年以「唔鹹唔淡」廣東話主持《掌故王》,雖然經常被嘉賓笑發音不正,但反而令佢彈出,引起唔少網民留意,仲將佢人肉起底兼大讚為「細粒版林志玲」。事業穩步上揚的陳爽,卻於 6月初突然轉投香港航空,任職營業及市場部企業銷售經理,轉為全職 OL。據該航空公司員工透露,陳爽是靠關係入行,「 Sherry(陳爽)從來都冇呢行嘅經驗,一入嚟就做 marketing經理,全公司都知係康泰太子爺 Jason推薦佢入嚟啦!佢乜都唔識,咪由頭學起囉!不過佢都算勤力,仲好叻 social。」

7月 10日,港姐「旅遊大使」選舉於廣州舉行,本身並非無綫嘉賓嘅陳爽,突然出現會場。雖然她與康泰太子爺 Jason喺台上刻意冇任何交流,不過 Jason(左)視線一直冇離開過陳爽。
太子實
7月10日,港姐「旅遊大使」選舉於廣州舉行,本身並非無綫嘉賓嘅陳爽,突然出現會場。雖然她與康泰太子爺 Jason喺台上刻意冇任何交流,不過 Jason(左)視線一直冇離開過陳爽。


陳爽突然被邀上台影大合照,前無綫港姐總監 Rosa坐於 Jason的右邊,但 Jason卻一直將身體傾向陳爽,唔使睇表情都知道 Jason想親近邊個多啲啦!

Jason落台後親自介紹一班國內生意夥伴俾陳爽認識,陳爽即時挺胸收腹恭敬回應。
Jason落台後親自介紹一班國內生意夥伴俾陳爽認識,陳爽即時挺胸收腹恭敬回應。

想做我新抱,閘住!(設計對白)《壹週刊》圖片
想做我新抱,閘住!(設計對白)《壹週刊》圖片

搵工跳槽,最好入埋豪門。(設計對白)
搵工跳槽,最好入埋豪門。(設計對白)

陳爽與剛嫁入豪門嘅孟瑤情同姐妹,陳爽轉職後第一時間大派卡片,半公開了自己轉職嘅事實。
陳爽與剛嫁入豪門嘅孟瑤情同姐妹,陳爽轉職後第一時間大派卡片,半公開了自己轉職嘅事實。

陳爽與剛嫁入豪門嘅孟瑤情同姐妹,陳爽轉職後第一時間大派卡片,半公開了自己轉職嘅事實。

現身港姐活動

上月 10日於廣州九龍湖酒店舉行香港小姐「旅遊大使」選舉晚宴,本身並非無綫嘉賓的陳爽,竟被安排坐於主家席上,贊助商及評判之一的康泰旅行社老闆黃士心與其子 Jason均為主家席上客。當晚 Jason與陳爽於鏡頭前雖然鮮有交流,不過騷後兩人即糖黐豆, Jason與陳爽竊竊私語,男方對女方處處照顧有加。在台上大合照時,陳爽更多次被安排坐到 Jason身邊。

晚宴當晚,陳爽被安排坐到主家席,身旁並非 Jason,而是國內其他旅行社老闆。現場所見,陳爽好識 social,與身邊男士非常好傾。
台下陪客
晚宴當晚,陳爽被安排坐到主家席,身旁並非 Jason,而是國內其他旅行社老闆。現場所見,陳爽好識 social,與身邊男士非常好傾。

轉職銷售經理嘅陳爽,公關技巧果然了得。當晚有唔少內地貴賓主動敬酒,陳爽冇推不特止,仲杯杯清,認真搏命。之後更不停與內地貴賓交換電話。
碰杯
轉職銷售經理嘅陳爽,公關技巧果然了得。當晚有唔少內地貴賓主動敬酒,陳爽冇推不特止,仲杯杯清,認真搏命。之後更不停與內地貴賓交換電話。

陳爽
留電話

活動完畢後,眾港姐在酒店餐廳內舉行慶功宴,陳爽坐在一旁等 Jason。據知當晚陳爽未有離開廣州,更與 Jason及港姐大隊在該酒店宿一宵。
等太子爺
活動完畢後,眾港姐在酒店餐廳內舉行慶功宴,陳爽坐在一旁等 Jason。據知當晚陳爽未有離開廣州,更與 Jason及港姐大隊在該酒店宿一宵。

認與黃氏父子好熟

今年 5月,陳爽被影到與朱璇及徐楓之子湯珈鋮結伴去睇「五月天演唱會」。有傳朱璇專登做媒撮合二人,不過最後都係冇下文。《蘋果日報》圖片
好友介紹富二代
今年 5月,陳爽被影到與朱璇及徐楓之子湯珈鋮結伴去睇「五月天演唱會」。有傳朱璇專登做媒撮合二人,不過最後都係冇下文。《蘋果日報》圖片

陳爽當年參選華姐已認識 Jason,知情者透露:「康泰經常贊助無綫節目外景,陳爽曾經跟獎門人出埠拍嘢,嗰次太子爺 Jason都有探班,佢哋好快就熟咗交換電話,私底下仲會約食飯。 Jason鍾意女仔性格爽直,陳爽為人主動,符合 Jason擇偶條件。」記者致電陳爽,她直認與黃士心父子非常熟稔:「當選華姐後,我一直都想喺其他行業發展,咁啱有呢行嘅朋友話我知呢間大公司(香港航空)請人,我咪試吓囉!(呢行嘅人?)係呀!係康泰嘅 Jason,不過面試都要靠自己。(你同黃士心父子好熟?)哈哈!以前做節目嘅時候識。(咁你同大黃生定細黃生熟啲呀?)兩個都 OK呀,大黃生介紹高爾夫教練俾我,我哋仲一齊打波,同佢接觸比較多。(咁同細黃生年紀近啲會唔會好傾啲呀?)唔識答喎!(你哋係咪發展緊呀?)呢個問題好危險喎!」雖然陳爽唔肯正面回應與 Jason的感情事,但工都幫佢搵埋,兩人關係一定唔簡單。

記者其後致電黃士心,問有關 Jason與陳爽交往的事。他反應甚大,還與陳爽劃清界線:「我同陳小姐唔係好熟,佢係一間航空公司嘅代表,我哋只係合作夥伴,所以當晚港姐喺廣州嘅晚宴先會邀請佢上嚟,我唔知點解佢會同我哋坐主家席。( Jason同佢係咪有機會發展?)你哋唔好亂寫。」 Jason係康泰接班人,女友分分鐘會成為康泰老闆娘,黃士心對揀新抱嚴格啲都無可厚非嘅!

華姐變 OL

現年 27歲嘅陳爽畢業於多倫多大學經濟系, 07年奪華姐季軍後,即簽約無綫並參與不少電視劇,包括《女王辦公室》、《有房出租》、《 ID精英》、《溏心風暴之家好月圓》等,更有機會參與電影《翡翠明珠》、《 Laughing Gor之變節》。參與節目亦包括《民峰學院》、《掌故王》、《玩美主意》、《娛樂最前線》、《娛樂金剛圈》及《無敵獎門人惡鬥美女廚房》。陳爽向來相當搏命,經常騷胸出席活動,亦唔介意着泳衣示人,唔係咁多女藝人做得到。

陳爽於 07年當選華姐季軍(右),當年冠軍宋熙年現在無綫做主持仔,亞軍呂怡萱並沒有在娛樂圈發展。
陳爽於 07年當選華姐季軍(右),當年冠軍宋熙年現在無綫做主持仔,亞軍呂怡萱並沒有在娛樂圈發展。

去年陳爽與夏雨一起主持《掌故王》。《蘋果日報》圖片
去年陳爽與夏雨一起主持《掌故王》。《蘋果日報》圖片

太子爺接棒

黃士心多年來培養兒子 Jason做接班人,他日退休,康泰便由 Jason掌管。《壹週刊》圖片
黃士心多年來培養兒子 Jason做接班人,他日退休,康泰便由 Jason掌管。《壹週刊》圖片

身為康泰旅行社接班人嘅黃進達( Jason),現年 30歲,去年九月正式由父親黃士心手上接任康泰董事總經理一職。年紀輕輕嘅 Jason原來仲有一大堆公職在身,好似今年六月加入了「香港青年聯會」成為會董,更於匯聚城中名人二代嘅「菁英會」中擔任執委,今年六月 Jason仲成功抽中買馬許可證,來季「升呢」做馬主。

公職多緋聞都一樣多,有傳去年 Jason於拍攝港姐外景時「中」陳庭欣而俾高分,令她奪「旅遊大使獎」。 04年 Jason隨該屆港姐到台北作親善訪問,更被拍得與朱慧敏私下交換電話惹緋聞。