男友新西蘭求婚成功 36歲滕麗名明年嫁

忽然1周 第894期

情場上撞板多次,依然屢敗屢戰的滕麗名(阿滕),半年前以小三身份踢走正印,與圈外男友朱建崑( Matthew)拍拖。

正式坐正,阿滕絲毫冇鬆懈,全情投入戀愛,連無綫合約都費事傾。努力有回報,阿滕和 Matthew上月底飛去新西蘭的奧克蘭( Auckland)預支蜜月,滑雪觀光之餘,據知 Matthew更順道求婚。 36歲、已屆適婚生仔之齡的阿滕,當然飯應,落實出年嫁。

阿滕由情場輸家晉身為人妻,相反當年為強國嬌妻而拋棄阿滕的魏駿傑,近日就自爆冇嘢撈要食老本。周一( 10日),記者向魏提起舊愛結婚時,他叉住 38吋肥腩說:「我唔想再講呢個人!」

所以話,感情向來是持久戰,未到終站也難以分勝負。阿滕今鋪贏晒。

機場直擊 男友新西蘭求婚成功 36歲滕麗名明年嫁
9月 11日返港擰歪面出閘
阿滕和 Matthew由奧克蘭返港,雖然抵達機場已是晚上,但阿滕依然戴住黑超,一見鏡頭更即刻擰歪面,十分鬼祟。當時 Matthew亦附和女友,作狀唔望鏡。

向來避談感情事的滕麗名,早前一反常態向傳媒晒幸福,她說:「同佢( Matthew)拍拖都有一段日子,今次認咗拍拖已經好乖,希望大家唔好再問我感情事。」

男友新西蘭求婚成功 36歲滕麗名明年嫁
助手擋駕
由於行李眾多,阿滕一早叫定助手接機。助手幫手推行李車,更攝在二人中間,而阿滕則躲在助手身後,與男友分開行。

機場直擊 男友新西蘭求婚成功 36歲滕麗名明年嫁
男友大讚
阿滕一馬當先,而男友 Matthew就一邊推住滑雪板,一邊接受記者訪問,大讚女友人品性格樣樣好。

機場直擊 男友新西蘭求婚成功 36歲滕麗名明年嫁
撇低男友
沒有被訪經驗的 Matthew單拖應付記者,阿滕就一於少理,一早上定七人車。二人之後齊齊返回男方紅磡寓所。

機場直擊 男友新西蘭求婚成功 36歲滕麗名明年嫁
8月 31日離港 阿四上身
阿滕一直用小女人攻勢冧掂男友。出發往新西蘭當日,男友搞登機手續,她則做阿四推行李。

機場直擊 男友新西蘭求婚成功 36歲滕麗名明年嫁
笑住任影
不久阿滕醒目地發現記者,更刻意上前停低笑住任影,讓男友先入閘。

機場直擊 男友新西蘭求婚成功 36歲滕麗名明年嫁
微博晒幸福
唔提感情的阿滕,終按捺不住晒幸福,本月 4日在微博發放一張她身處 Cardrona雪山滑雪的相片。

機場直擊 男友新西蘭求婚成功 36歲滕麗名明年嫁
我終於等到喇!(設計對白)

雪山 resort求婚

機場直擊 男友新西蘭求婚成功 36歲滕麗名明年嫁
今年 4月,阿滕和 Matthew被本刊拍得孖住出海,當時阿滕更單手抱起友人的小孩。由此可見阿滕也鍾意細路,生仔!啱 timing。

忽然高調,皆因阿滕坐定粒六,認定於 Canon(佳能)從事行銷工作的 Matthew是真命天子。二人拍拖年半,縱然中途爆出 Matthew瞞住阿滕收埋正印,但 Matthew最終都被阿滕的小女人攻勢降服。事過境遷,阿滕和 Matthew 8月 31日索性飛去奧克蘭( Auckland)展開為期 12日的滑雪之旅。當日二人孖住現身香港機場,記者發現有愛情滋潤的阿滕當堂回春,辦理登機時不禁跳跳紮。之後她發現記者時,不自覺地和男方保持距離,但對鏡頭笑晒,十分風騷。一名 Matthew的好友說:「 Matthew為咗呢次行程,預早三個月同公司請定假,編排好行程。佢仲自爆阿滕想過一個有雪落嘅冬天好耐,今次帶佢睇雪外,只要時機一到就會向阿滕求婚。」
二人搭了 12個鐘機飛抵奧克蘭後,先在奧克蘭都會區逗留幾天,享受異國美食,再登上 Cardrona雪山滑雪,並入住山上的 resort。 Matthew就趁住皚皚的浪漫雪景向阿滕求婚。恨嫁阿滕當然應承,不過就和男友協議婚事要明年至搞,並低調處理。

Matthew:同佢好開心

12日浪漫旅程眨眼完結,本周二( 11日)晚,阿滕與 Matthew齊齊推住一車行李返港。刻意拉低頂帽、戴黑超的阿滕一見記者鏡頭即擰歪面。對於記者任何問題,她一概封嘴。相反並非圈中人的 Matthew卻十分大方,記者問他和阿滕發展如何?他說:「我哋進展良好,喺埋一齊好開心。(鍾意阿滕咩?)我鍾意佢性格好爽朗,人又好。」記者再問二人是否見過雙方家長,此時 Matthew偷


本文鏈接:男友新西蘭求婚成功 36歲滕麗名明年嫁