忽然1周 第921期

女人對靚的追求永無止境。 32歲拿督女繼三年前塞矽袋隆胸兼割雙眼皮後，整容整上癮。眼見近日 V煞面女星充斥娛圈，她決定趕潮流，接受下巴脂肪溶解療程，整走困擾多時的雙下巴。

上周一（ 11日），記者於港島診所手術室，全程直擊莊思敏溶解下巴脂肪。雖然她是整容老手，但記者發現她依然緊張，手術前不時咬緊牙關。她說：「本身自己怕痛，做手術點都會緊張，不過為咗靚冇計！」女人為美貌而衍生的忍耐力，真的不可小覷。

畫定標記
之後醫生替莊思敏的下巴位置畫了多個標記。中間打直的筆痕，就是她脂肪積聚較多的位置。

上周一（ 11日），素顏的莊思敏現身港島 Dr Reborn整容診所。由於診所內擠滿女性顧客，手術室也被其他客人佔領，故護士先帶她到休息室準備。躺在牀上的莊思敏，玩手機打發時間時不期然擠出雙下巴。其間，她忍唔住反問記者：「係咪估唔到我嚿肉可以咁犀利？」之後再提高聲線說：「呢個雙下巴困擾咗我好耐，無論身形點瘦，嚿肉都會跟住我。我成日俾人笑塊面大?啦， 16:9，霸晒成部電視機咁滯！」

猛 chok肥下巴
莊思敏躺在休息室，等待接受下巴脂肪溶解療程，玩 iPhone打發時間期間，不經意擠出雙下巴。

麻醉敷冰
手術前，護士先為莊思敏的下巴敷冰放鬆肌肉。記者發現她當時忍唔住緊閉雙唇，相當緊張。

三年前隆胸

一向唔滿意自己平胸的莊思敏，於 10年下決心，割開乳房塞進四磅矽袋，由 A cup隆到變 C cup。

下巴現坑紋

今年 1月，莊思敏現身商場活動時面部腫脹，下巴幾乎呈 U形。

從側面睇，她雙下巴的坑紋十分深。《 FACE》圖片

3月 18日起角 V煞

《蘋果日報》圖片

周一（ 18日），莊思敏出席影視博覽活動，雖然兩頰依舊飽滿，但下巴明顯變 V，面形也拉得修長。

一個月做兩次

莊思敏一邊解釋整容原委，一邊由護士帶入手術室。記者發現她神情慢慢變得嚴肅，她說：「本身自己怕痛，做手術點都會緊張，不過為咗靚冇計！」護士先行為躺在手術牀的莊思敏下巴位置落麻醉藥及敷冰，再於下巴與頸之間畫上約兩隻手指闊度的標記，之後由醫生為她進行下巴脂肪溶解療程。
大約半小時後，莊思敏從手術室步出，記者發現她下巴依然有肉，未有即時變成 V煞面。她解釋：「之前都試過搽瘦面啫喱等唔同方法，但都 last得唔夠耐。之後我再要做療程，你遲下就見到。」此療程並非如以往打肉毒桿菌一 take過搞掂，屬漸變式將下巴脂肪慢慢整走，溶解後的脂肪經由循環系統自然排走。據知此療程一般需要一個月做兩次，大概做三至六次才有明顯效果，價錢約由 2萬 4至 5萬不等。
周一（ 18日），莊思敏出席影視博覽活動，闊面明顯變尖，而且下巴更 V到起角，成功晉身「 V煞女星」行列。

整容比喻食藥

近年娛圈整容風氣強勁，不少女星疑似變臉，除了楊秀惠整到歪面最經典外，羅霖和薛凱琪早前亦驚現 V煞面。 V煞女星成行成市，莊思敏對此強調：「我唔同啲，我夠膽做夠膽認吖嘛！近排好多人的確 V得好犀利，我都好想知佢哋用咩方法。」
莊思敏三年前隆胸後曾說：「整容整得靚就夠，切忌整上癮。」但她今次再接受溶解脂肪療程，似乎反口覆舌。她解釋：「其實呢個只不過係醫學美容嘅一種，我又覺得唔算係咩整容，好似啲人食減肥藥咁啫！」

猛男陪睇裝修
早前記者拍得莊思敏與男伴到上環，睇化妝學校裝修進度，其間她意見多多，不時與裝修師傅（白衫者）討論。

莊思敏開設的化妝學校面積約有二千呎，雖然下月開幕，但現時到處依然是油漆木板。

睇完裝修後，莊思敏撇低男伴，揸住紅色 Benz返回貝沙灣寓所。

開學校??銀

狂做串星
坦言「老竇啲錢冇過我手」的莊思敏，近年為??銀乜戲都接。早前記者發現她以金毛大肚婆造型，於紅磡客串《第一次不是你》。

莊思敏隆胸成名，當年她公開隆胸僅一個月就吸金 30萬，更簽王晶成為旗下藝人。可惜近年無以為繼，有指王晶掛住力捧國內新人童菲而對莊愛理不理，她說：「以前嘅嘢唔想再講，不過晶哥確實俾咗好多機會我。」現時她已賣身俾投資鹹片的蕭定一，更唔排除會露點演出。「露點冇乜所謂，最緊要睇下同邊個導演合作。我諗湯唯入行前都話唔會露點?啦，但遇到李安，邊個都剝啦！」
近日莊思敏還搞埋私幫生意，揼百萬於上環某商業中心開設化妝學校賺女人錢。記者拍得她連同另一投資者到學校視察裝修情況。她說：「做藝人呢行話唔埋，所以真係要創業，我希望一年內回本啦！我整靚個樣都係想喺講化妝嗰陣更有說服力！」

V煞女星大全

V煞面氾濫娛圈，成熟如 48歲的羅霖，以及八十後的黃婉曼，近年塊面愈變愈尖。除了莊思敏下巴溶解脂肪療程外，坊間還有不少瘦面大法。早期藝人迷上「拉面皮」，將面皮往耳朵方向拉，令皮膚緊緻。而早前不少藝人亦試過新式拉線，用心臟手術用的手術線，打落兩邊面部，由於手術線會溶化，故沒有疤痕，但有效期最多維持八個月。

羅霖
48歲的羅霖自與丈夫劉坤銘婚變後重返娛圈，但今時今日的羅霖除了化妝打扮似??模外，面形亦由圓變尖。

前

後

薛凱琪
初出道的薛凱琪走清純路線， pizza面兼有 baby fat。不過早前出席活動的她，塊面明顯 V晒。

前

後

黃婉曼
黃婉曼雖然多次否認整容，但只要搵她學生時期與現時的相做對比，無疑判若兩人。

前

後

雜男埋身

有個拿督老竇的莊思敏，自爆曾是同性戀者，與 5個女仔伴侶分手後，才正式與吳浩康拍拖。遇人不淑的她，與拍拖 5年的吳甩拖後，打後的戀情統統都未能開花結果，而且件件雜男都周身蟻。

吳浩康

06年，有指她硬撬當時與胡定欣拍拖的吳浩康，之後兩人拍拖 5年，有傳因男方再度濫藥而分手收場。不過二人分手後，男方未將欠款還清俾莊，現時仍有錢銀轇轕。

林忠豪

與吳浩康分手不足 3個月，她火速搭上李澤楷表弟林忠豪。當時男方張揚送 iPhone 4S手機及出動 500萬麥拿侖跑車力追莊。不過事後二人將關係降級至普通朋友，更隔空互寸。

白健恩

11年，她與港男白健恩合作舞台劇傳出緋聞，本刊多次拍得二人拍拖，男方更試過做阿四幫女方睇舖。二人未有否認戀情。可惜最終也是冇米粥，近日男方更捲入鴨仔同志賣淫新聞。