生咗囡囡楚兒嘅蔡少芬，早前又懷第二胎，其實早前已經喺佈道會自爆過生楚兒之前曾經流產，估唔到今次佢有第二胎，同樣差啲胎兒不保。

今日有報道指，蔡少芬喺上星期一個佈道會度分享，話今年10月尾時，佢帶埋囡囡搭飛機時唔舒服，入洗手間後發現自己下體流好多血，當值機師畀Ada緊急落機，老公張晉就飛車入機場接老婆入醫院。

醫生話Ada胎盤出現一條大裂痕，搞到下體大量出血，Ada激動咁話如果唔係有小產經驗，佢會顛咗。不之後Ada交代BB而家好健康，當時瞓咗兩星期醫院。

Ada一家三口樂也融融，亦即將多添一名成員!