收納魔術手 楊英偉

忽然1周 第911期

無綫藝員楊英偉在《法網狙擊》飾演謝天華、楊怡的上司,做事一絲不苟。現實中偉哥同樣是個井井有條的 family man,最享受煮飯同湊仔。
他與太太 Annie及 7歲兒子諾諾一年前搬到將軍澳日出康城 1,300呎單位,近返工亦近返學。
興趣多多的偉哥,雜物日積月累,為使居所不會變垃圾崗,靈機一觸在全屋牆身、地板等地方,設計多個收納儲物櫃!
「其實係我大舅(指楊太兄長)嘅功勞,佢做裝修,係咁意收我少少人工,就整到鬼死咁靚。」所以話出外靠朋友,在家當然係靠老婆。

收納魔術手 楊英偉
書房除了有兩個合共六呎闊的直立式書櫃外,地板下面亦有乾坤,四個大儲物格收藏過百件楊英偉的魔術道具兼玩具。「我玩咗魔術好多年,雖然唔可以蜚聲國際,但都搵到兩啖飯食,偶爾都會做吓表演。」說起魔術,楊英偉一臉稚氣。

收納魔術手 楊英偉
在熱播的《法網狙擊》中,楊英偉飾演檢察官阿頭,經常與楊怡、謝天華有對手戲,戲份頗多。

收納魔術手 楊英偉
百多呎的書房光潔整齊,以藍色、白色為主題的色調令人眼前一亮,零舍醒神。

昔日住開跑馬地的楊英偉,曾經可以掹車邊叫做「上等人」,捱貴樓、買貴餸,水電煤都好襟計。他說:「香港區乜都貴?啦!你以為我住跑馬地就上等人?我住舊樓?咋!住一樓,真係咩人都爬到入嚟啦!仲有,看更晚晚瞓覺,又唔好意思話佢。」旁邊楊太 Winnie忍唔住開口:「住得低,曱甴都多過人。有次返到屋企打開袋麵包,發覺條壁虎食緊我個包,激死人。」

收納魔術手 楊英偉
原本客廳沒有雜物房,為了擺放兒子的玩具,楊英偉特意在裝修時增長牆壁,自製雜物房。

收納魔術手 楊英偉
客廳四正寬敞,露台夠大容易透光,就算唔開燈都好光猛。

收納魔術手 楊英偉
收納式衣櫃設在房與房之間的走廊位,既慳位又實用。不過估唔到男人老狗楊英偉會有咁多衫,而且儲放整齊,「咪又係老佛爺功勞。」

收納魔術手 楊英偉
走廊的空間不算闊落,因為利用走廊位置造了收納式衣櫃,房間就唔使騰出空間來放衣櫃,慳唔少位。

收納魔術手 楊英偉

收納魔術手 楊英偉

收納魔術手 楊英偉
事事以家庭為先的楊英偉,客廳放滿家庭照。「睇住佢哋啲相,食飯都開胃啲!」有點肉麻唷!

走廊增神秘門

收納魔術手 楊英偉
楊英偉另一個嗜好,便是自家浸酒。這天,他便大騷已浸足一年的梅酒,讓我大開眼界。「好容易?咋!去街市買啲青梅返嚟,洗淨瀝乾水,用支叉將啲梅拮到一個個窿,等佢浸出味,之後加啲三蒸酒、冰糖一齊浸,浸夠一年就飲得。」慷慨的偉哥還把浸了一年的製成品送了給記者。

既然環境不如理想,把心一橫搬進將軍澳的日出康城。由於新樓實用面積打七折,擺放傢俬雜物亦要諗過度過。「屋企一家三口加工人 1,300呎其實唔算逼,呢度實用都有 7成 9左右,唔錯?啦!」不過偉哥嗜好多,地方漸漸變得不太見使。但他懂得利用空間存放雜物,幾乎把全屋牆身及地板都造成收納式儲物櫃。
甫踏入楊家門,偉哥已向記者介紹走廊旁邊有一度神秘的門,打開,原來是一個隱藏式雜物室,內裏放着一些阿仔未開封的玩具及電器,整齊又不礙眼。再走進書房,發現再有乾坤。湖水藍色地板下,揭開原來藏有四大格神秘儲物櫃,盡收藏楊英偉的魔術道具等。「造呢啲櫃嘅原意,係因為我真係多雜物,例如唔同厚薄嘅被咁,夏天張棉被唔通放出嚟咁核突咩!啲玩具放廳又唔係,放房又太多太亂,整個收納櫃就冇錯喇!」而他一家三口的衣服,也是藏在房與房之間的兩個大收納式衣櫃內,十分整齊。

搬屋為囝囝

其實楊英偉決定搬來「垃圾城」將軍澳,最大原因是為兒子讀書問題,主要貪調景嶺有一間在區內出名的直資學校(真道書院),升中學一條龍服務。
他一臉慈父說:「冇辦法,有咗小朋友,好多嘢都要以佢行先。呢度雖然近垃圾堆填區,但可能住高層,基本上七、八月先有味,其他時候真係唔多覺,有時仲覺得幾香?!哈哈……咁啱呢度又好近我返工,無理由唔揀啫!早排拍《初五啟市錄》,成日通宵接朝早,陳錦鴻都成日上嚟瞓。」
楊英偉畢業於浸會大學中文系,之後為興趣,又跑到香港演藝學院讀戲劇,年輕時候都是在不斷讀書,但他從不會強迫 7歲大、讀小二的兒子諾諾考名校,或將來一定要做高官。
「講真,我細個時都唔鍾意阿爸阿媽逼我啦!適當地俾小朋友空間,大家相處都會舒服啲!再者,佢依家讀緊嘅小學已經唔錯啦,喺區內算出名,直資升中又一條龍,煩少好多嘢。加上學校採用活動教學,唔使帶書、唔使着校服,感覺上好似冇咁大壓力。
「最大得着係課程好深,拎番嚟啲功課有時都考起我,我哋可以全家人一齊思考,又打電話請教吓啲親戚朋友,好一個親子活動。」楊太在旁謙虛說:「我哋都學到嘢?!」
為小朋友建立一個舒適安樂窩,相信亦是每位父母的首要目標。

收納魔術手 楊英偉
偉哥夫婦每天的親子活動,便是與兒子一家三口捉波子棋。楊太說:「每日諾諾放學做完功課,我哋就好期望同佢捉到一盤棋。因為小二功課好深,有時都做到好夜,唯獨捉棋時就屬於我哋嘅親子時間。」

收納魔術手 楊英偉
曾是劍擊教練的楊英偉,早前趁暑假便帶兒子學劍,「但佢依家鍾意跆拳多啲,因為有朋友仔陪佢一齊上堂。」

收納魔術手 楊英偉
阿仔諾諾的「巴士房」,全由 Thomas車組成(下圖)。巴士上層是睡牀,下層則是溫習室,夠晒私人空間,相信是所有小朋友夢寐以求的 dream room。

收納魔術手 楊英偉
大學修讀中文系的楊英偉,書房藏書數百本,但他閱讀範圍很廣,心理學、文學,甚至漫畫、旅遊書、食譜等,乜都有,擺放得井井有條。

收納魔術手 楊英偉

收納魔術手 楊英偉

收納魔術手 楊英偉

採訪、撰文:石子青
攝影:潘啟德
錄像:湯文峯