葉璇返娘家獻計 斟TVB買《紫釵奇緣》版權

忽然1周 第911期

過氣姣神葉璇自從05年離開無綫,北上開拓市場,到近呢幾年,撈得風生水起,除咗喺北京開檔搞工作室做老闆,仲投資開新劇《紫釵奇緣》,搵埋舊拍檔林峯做男主角,認真財來自有方。

上個禮拜四( 3日),媽咪姐竟然見到葉璇孖實林峯個經理人 喺電視城西餐廳出現。話晒咁耐冇見,媽咪姐梗係趁機上前同佢傾兩句,不過今時今日貴為老闆級人馬嘅葉璇,就十問九唔應囉!媽咪姐事後就八到葉璇今次返娘家,絕非搲撈,反而約咗樂易玲,斟無綫買自己套《紫釵奇緣》版權。以往只係無綫小花,如今竟然可以同無綫傾合作,都話女人唔睇小得啦!

葉璇當日薄施脂粉,更現埋粉藍色 bra邊,露出不經意誘惑。
今非昔比,叫我葉老闆呀!﹙設計對白﹚
葉璇當日薄施脂粉,更現埋粉藍色 bra邊,露出不經意誘惑。

葉璇喺大陸自資開劇《紫釵奇緣》,都要搵番舊拍檔林峯。睇嚟葉小姐真係好長情喎!《壹週刊》圖片
葉璇喺大陸自資開劇,都要搵番舊拍檔林峯。睇嚟葉小姐真係好長情喎!《壹週刊》圖片

喺西餐廳食飯 嗰陣,葉璇對住林峯經理人手舞足蹈、高談闊論。 喺強國浸淫得耐,葉璇舉手投足都豪氣過人
喺西餐廳食飯 嗰陣,葉璇對住林峯經理人手舞足蹈、高談闊論。 喺強國浸淫得耐,葉璇舉手投足都豪氣過人。