處女闖樂壇 「聶小茜」陳明恩自資出廣東碟

忽然1周 第913期

重量級小寶自稱 27歲仍是處女之身唔出奇,但勢估唔到在《老表》又索又瘦,飾演小茜的鬼妹陳明恩( Corinna),今年 30歲竟同樣是處女。自小是虔誠基督徒的她,即使多年不乏追求者,但她一直抗拒婚前性行為,結果令唔少追求者打退堂鼓。「如果男友要我做,我會同佢講結婚先搞得,我好 proud of我仲係處女。」陳明恩今年更會自資五位數字出廣東碟闖樂壇,誓搶其他處女飯碗。

處女陳明恩
親自派歌
本周二( 22日),陳明恩新歌派台。她親身到新城電台向 DJ Bob派歌。 Bob大讚她唱高音好掂,是可造之材。

06年,陳明恩在演藝學院修畢音樂劇舞後,便投身樂壇。不過其後唱片公司倒閉,出碟夢碎。直至最近她再與「 Iaganack」唱片公司合作,自資出廣東碟,處女作〈異種〉亦在周二( 22日)正式派台。日前,她便帶同新碟上新城電台阿 Bob的節目宣傳。「我一直有 喺商場唱歌,亦都做過和音,雖然我今年 30歲,有好多人覺得起步遲,但識唱廣東話 嘅鬼妹唔多,我覺得值得博吓!」

處女陳明恩
正過香香
鬼妹陳明恩廣東話正宗,好過半唐番苟姑娘同香香公主多多聲。

處女陳明恩
祖藍填詞
陳明恩第一首派台作品〈異種〉,由王祖藍填詞,新碟將於年中推出。

處女陳明恩
讀家教課程
在港出生的陳明恩,幼時在慈雲山 邨的信生幼稚園就讀。 7歲時,她以家教形式上課,即在家由母親教授知識,未有讀過中小學。直至 20歲,她才修讀香港演藝學院的音樂劇舞。

處女陳明恩
貞潔戒指
陳明恩大方展示手中的貞潔戒指,了寓意將處子之身留給將來的老公。

處女陳明恩
大派親朋
70年代打扮的陳明恩,派新碟俾肥妹小寶。原來小寶一早聽過〈異種〉,還表示初次聽時,估不到是明恩唱。

鬼妹奇事多

陳明恩新西蘭籍父親和澳洲籍母親早年來港傳教,雖然父母是純外國人血統,但在港出世的她,幼稚園時由於入讀屋 邨幼稚園,造就其一口流利廣東話。訪問當天,她便自爆因識聽廣東話,而遇過不少激氣事。「試過搭地鐵,有對後生仔女由頭望到我落腳,笑我個樣怪,我兜口兜面同佢 哋講『多謝晒!』嚇到佢 哋即刻跳落車。去茶餐廳,冇侍應敢走埋嚟同我落單,我舉手叫佢 哋落 order,佢 哋都擰歪面當睇唔到,到我出聲講『唔該』,佢 哋先識得走埋嚟。」

戴貞潔戒指

以為鬼妹性開放,但陳明恩卻極抗拒婚前性行為。「其實依家計埋有 10個人追我,有港人有鬼佬,不過我鍾意由朋友開始,了解咗先拍拖啦。暫時都未有男仔打動到我呀,所以直至呢一刻我都未拍過拖。阿爸阿媽又冇催我結婚,想搵啱先拍拖。我有暗戀過港人,但冇主動去追佢,男仔鍾意啲女仔含蓄?,我都係享受被人追多啲。(即係你都係處女?) hehe,我都係處女嚟?,我好 proud of呢樣嘢。我手上呢隻戒指係貞潔戒指,想留低性呢樣嘢俾我將來嘅老公,結婚先搞啦。(你反對婚前性行為?)係呀,我跟硬耶穌!」

處女陳明恩
客串劇集
拍《老表,你好嘢!》前,陳明恩亦客串過台慶劇《名媛望族》,與劉松仁、石修等前輩合作,獲益良多。

處女陳明恩
崇拜憶蓮
在香港演藝學院讀書時,陳明恩曾兼任林憶蓮演唱會的和音,她更讚林憶蓮沒有架子兼肯教後輩。此外她 08年亦與蘇永康在紅館合唱過〈來日方長〉。