10舖揸手 防腐文雪兒 復出過戲癮

16歲出道即做女主角的文雪兒,曾與張國榮、鍾保羅成為熒幕情侶。長期擔正主角的她,至 90年代漸漸淡出娛圈,相夫教子。「其實當時都唔再有咩突破,再做落去可能會步入低潮,趁住仲係做緊女主角退出,好過做人阿媽先走。」

無心插柳下,她轉戰商界,千禧年與友人合資搞首間美甲專門店,由百貨公司櫃位做起, 13年來已開了十間分店,仲搵埋家姐元秋做代言人。公司上軌道,早前文雪兒秘密幫無綫劇集《巨輪》客串,過戲癮之餘,順道試水温,鋪路復出。

13年靚太今年 52歲的文雪兒,打扮入時,皮膚滑溜,比真實年齡年輕
13年靚太今年 52歲的文雪兒,打扮入時,皮膚滑溜,比真實年齡年輕。「我好早瞓覺,同埋唔食熱氣嘢。」

00年,文雪兒與友人合資搞首間美甲專門店,成功轉戰商界。專門店開業 13年,以中價路線打入市場。「我本身好鍾意整指甲,起初我只諗住開間舖玩下、打發時間。當時我哋係第一間美甲專門店,點知啲人又好接受,開完一間有賺就用筆錢開第二間,直至開到第四間分店,先發覺原來可以發大嚟做。」

79年少女文雪兒與張國榮合作《浣花洗劍錄》成熒幕情侶。當年 19歲的她,甚具少女氣質,成為視壇搶手貨。
79年少女文雪兒與張國榮合作《浣花洗劍錄》成熒幕情侶。當年 19歲的她,甚具少女氣質,成為視壇搶手貨。
90年索爆70年代尾,文雪兒與劉永拍過拖,最終分手收場。九十年代,她與前夫離婚後再下嫁李姓丈夫,育有細女。
90年索爆70年代尾,文雪兒與劉永拍過拖,最終分手收場。九十年代,她與前夫離婚後再下嫁李姓丈夫,育有細女。
大女李佳怡(中)與李佳欣(右)相差 4年,關係親密,二人一放假便與母親文雪兒外遊。
大女李佳怡(中)與李佳欣(右)相差 4年,關係親密,二人一放假便與母親文雪兒外遊。早前一家人到杜拜旅行,生活無憂。
10年,文雪兒與前夫所生的大女張荺(李佳怡)在北京讀預科,邊讀書邊做模特兒
10年,文雪兒與前夫所生的大女張荺(李佳怡)在北京讀預科,邊讀書邊做模特兒。文沒有反對:「我都係好細個入行,好多嘢都係睇你點做。」

囡囡做代言

生意愈做愈大,儲落不少客源,文雪兒近年索性搵埋家姐元秋同囡囡做生招牌。「我諗住靠口碑,不嬲都冇諗宣傳。不過有次同家姐傾開,我話既然你都係我個客,不如試幫我代言,始終公司都要 image。佢仲講笑話收好貴,要 6位數字,不過我話俾唔起,最後封咗姊妹價大利是俾佢。」美甲店走成熟女人路線,去年元秋的廣告一出,反應不錯。「因為外間人覺得家姐係擔住支煙、捲住頭髮嘅 look。一見佢扮到成個闊太咁,啲人就好奇問係唔係佢嚟囉!」

除了專攻成熟女人,今年文雪兒更計劃打入年輕人市場。「依家美甲咁多新款,我都想開拓少女客路,所以搵咗細女 Jennifer試吓。」上周五( 19日),其 16歲細女拍廣告,記者發現文雪兒十分緊張,從旁指揮,一邊幫囡囡補潤手霜,一邊教她放鬆擺甫士,口中更不時大讚女兒,「好靚女呀!」她一臉滿足。

落手補妝文雪兒事事親力親為,細女 Jennifer(李佳欣)拍廣告時,她變身助手、化妝師,一時為女兒遞飲品,轉頭又為她補妝
落手補妝文雪兒事事親力親為,細女 Jennifer(李佳欣)拍廣告時,她變身助手、化妝師,一時為女兒遞飲品,轉頭又為她補妝。
家姐湊大文雪兒有 7兄弟姊妹,她跟三家姐元秋年齡相差 10年,感情要好。
家姐湊大文雪兒有 7兄弟姊妹,她跟三家姐元秋年齡相差 10年,感情要好。「我細個係家姐湊大,佢成日帶我周圍去,阿媽最放心。」
教擺甫士16歲的細女,表現怕醜,拍廣告時,母親文雪兒不時陪伴左右,教她放鬆擺甫士
教擺甫士16歲的細女,表現怕醜,拍廣告時,母親文雪兒不時陪伴左右,教她放鬆擺甫士。 Jennifer說︰「我第一次拍廣告相,都幾緊張,之前媽咪叫我對鏡練擺甫士。」
文雪兒不時孖住元秋外遊,提到對方,文滔滔不絕大讚家姐
文雪兒不時孖住元秋外遊,提到對方,文滔滔不絕大讚家姐︰「佢係京劇出身,估唔到咁老都被周星馳發掘,都幾有演戲天份。」
去年,文雪兒搵元秋做美甲店代言人
去年,文雪兒搵元秋做美甲店代言人。當時於大陸拍劇的她一口答應,姊妹感情好到暈。

保靚樣拍劇

文雪兒的 Nail bar美甲店開業 13年,有 10間分店,位於港九新界,以中價打入市場,儲落不少靚太客
文雪兒的 Nail bar美甲店開業 13年,有 10間分店,位於港九新界,以中價打入市場,儲落不少靚太客。

現年 52歲的文雪兒,依然保養得宜,防腐一樣。「依家我一星期會做通淋巴 4個鐘,有一日就同囡囡打籃球,可能我個人開心,心境都有影響嘅!」當年有「三台花旦」美譽的她,做過佳視、麗的(亞視前身)及無綫三間電視台當紅花旦。文雪兒拍劇無數,坦言依舊有戲癮,只要遇到適合自己的劇本,隨時復出。「都可能嘅!不過唔急囉,我不斷裝備自己, keep住唔俾自己肥或者殘。」原來早前她已秘密復出試水溫,客串無綫劇集《巨輪》。「前一輪監製王心慰搵我,我同佢麗的時期已經好熟。佢話有個巴辣嘅角色好啱我,叫我客串幾集。今次我客串,唔會諗係咪復出,只想睇自己仲係咪咁鍾意演戲,仲係咪適合。套劇我好少戲份,佢(王心慰)話年尾再開劇,有個多啲戲嘅角色,依家都傾緊。我會睇吓角色同自己時間夾唔夾,冇難度嘅唔想做。」文雪兒生意做得有聲有色,難怪她唔憂財路。

撰文︰蔡靜雯
攝影︰陳志輝
場地︰ The Grainy Studio
(忽然1周 第926期)

评论回复