鍾嘉欣上個星期六一集《玩嘢王》，唔使拍劇，上一個整蠱節目靠2秒爆喊演技，呃晒全港觀眾，被網民封為「民間視后」。

人紅自然新聞多，感情生活好低調嘅嘉欣BB，一直以來同伍允龍拍拖都係公開嘅秘密，不過上年底已經開始傳佢兩個感情有變，早前更話陳智燊同嘉欣BB拍劇撻著，事後兩個當然否認啦。

而今日，嘉欣BB又有新緋聞，報道話佢撻著同樣都係教徒嘅彭紀諺(Desmond)，其實佢係創作歌手，今年30歲，07年尾出道至今星運平平，不過佢同嘉欣一樣係外國回流返嚟香港，最少同聲同氣，而Desmond父母亦於加拿大開餐館及超市，家底不俗。

報道話上星期日(5號)，嘉欣BB就孖彭紀諺齊齊返北角一間教會，該教會崇拜以全英語進行，當中教徒多以外地回流華人為主。當日嘉欣神色高度戒備，不時前後左右望，同彭紀諺細細聲講嘢，之後又刻意同男方分開坐，原來祖藍同女友亞男都有來教會。崇拜完結記者邀嘉欣同男方合照，佢就以冇化妝為由推卻。

據知Desmond係王祖藍介紹畀嘉欣認識，祖藍見Desmond單身又好仔，就介紹畀嘉欣識，最重要係佢夠虔誠，同嘉欣BB一拍即合。

忽然1周 第928期

襯唔襯？

當年佢造完歌點知監製走佬，得蔡一智打救