之前傳出吳千語因為趁男友林峯不在香港，在一名男士家中過夜，搞到峯峯有「綠帽疑雲」鬧分手。

不過今日有報道話，千語BB同峯峯已經和好如初。平日峯峯最愛高調探千語BB的班，不過上星期千語去澳門跳Bungee Jump，峯峯可能因為千語件事竟然不到玩失蹤，千語事後都知衰，全程用微信同峯峯耍冧，峯峯咁愛BB，當然好快心軟啦！

近日佢為咗杜絕BB身邊嘅雄性動物，仲喺自己微信戶口放一張佢雙手攬實BB嘅黐頭芒親密照，旁邊仲加上一句肉麻字眼:「I love you to the moon and back」，即係好愛(請乘7次)BB囉！

當中更揭露咗千語叫男友做「LPig」，即係「林豬豬」!哇，好肉麻呀！

峯峯同舊愛霜霜影床照嗰時，個頭都冇咁埋呀!佢真係好愛ｘ7千語BB!